sumanth: ఉత్కంఠను రేకెత్తిస్తోన్న 'సుబ్రహ్మణ్యపురం' టీజర్
- 'సుబ్రహ్మణ్య పురం' చుట్టూ తిరిగే కథ
- కార్తీక్ పాత్రలో సుమంత్
- త్వరలో పోస్ట్ ప్రొడక్షన్ పనులు పూర్తి
సంతోష్ దర్శకత్వంలో .. సుమంత్ హీరోగా 'సుబ్రహ్మణ్య పురం' రూపొందింది. ఈషా రెబ్బా కథానాయికగా నటించిన ఈ సినిమా, ప్రస్తుతం పోస్ట్ ప్రొడక్షన్ పనులను జరుపుకుంటోంది. దసరా పండుగ సందర్భంగా నిన్ననే ఈ సినిమా నుంచి టీజర్ ను రిలీజ్ చేశారు. 'సుబ్రహ్మణ్య పురం' అనే ఊరు .. ఆ గ్రామానికి ఆ పేరు రావడానికి కారణమైన 'సుబ్రహ్మణ్య స్వామి' ఆలయం చుట్టూ ఈ కథ తిరుగుతుంది. ఆ ఆలయం నేపథ్యంలో చోటుచేసుకునే ఆసక్తికరమైన సంఘటనలతో ఈ కథ కొనసాగుతుంది.
ఇండియన్ టెంపుల్స్ పై హేతుబద్ధంగా రీసెర్చ్ చేసిన కార్తీక్ పాత్రలో సుమంత్ ఈ టీజర్లో కనిపిస్తున్నాడు. నాస్తికుడిగా కనిపించే కార్తీక్ కి ఆ ఊళ్లో ఎలాంటి అనుభవాలు ఎదురయ్యాయి? ఆ పరిణామాలను ఆయన ఎలా ఎదుర్కున్నాడు? అనే ఉత్కంఠభరితమైన సన్నివేశాలతో ఈ సినిమా కొనసాగనుంది. 'కార్తికేయ' సినిమా ఛాయలు కనిపిస్తోన్న ఈ సినిమా, సుమంత్ కెరియర్ కి ఎంతవరకూ హెల్ప్ అవుతుందో చూడాలి.
