హ్యాట్రిక్ మూవీ మహేశ్బాబు తోనేనా?.. క్లారిటీ ఇచ్చిన బుచ్చిబాబు!
- ప్రపంచవ్యాప్తంగా మూడు రోజుల్లో రూ. 236.7 కోట్ల గ్రాస్ వసూలు చేసిన ‘పెద్ది’
- సినిమా ఘన విజయం సాధించడంతో అఫీషియల్ పోస్టర్ విడుదల చేసిన చిత్ర బృందం
- సూపర్స్టార్ మహేశ్బాబుతో తన తదుపరి చిత్రంపై దర్శకుడు బుచ్చిబాబు లీక్
- సినిమా చర్చల దశలో ఉందని, మరికొంత సమయం పడుతుందని వెల్లడి
మహేశ్బాబుతో హ్యాట్రిక్ మూవీ?
మరోవైపు ‘ఉప్పెన’, ‘పెద్ది’ చిత్రాలతో వరుసగా రెండు భారీ విజయాలను సొంతం చేసుకున్న దర్శకుడు బుచ్చిబాబు సానా.. తన కెరీర్లో హ్యాట్రిక్ మూవీని ఎవరితో చేయబోతున్నారనే ఆసక్తి టాలీవుడ్లో నెలకొంది. ఈ క్రమంలో ఆయన తన తదుపరి చిత్రాన్ని సూపర్స్టార్ మహేశ్బాబుతో ప్లాన్ చేస్తున్నట్లు గత కొన్ని రోజులుగా జోరుగా ప్రచారం సాగుతోంది. తాజాగా ఇచ్చిన ఒక ఇంటర్వ్యూలో బుచ్చిబాబు ఈ ప్రాజెక్ట్పై స్పందిస్తూ ఇండస్ట్రీలో వస్తున్న వార్తలను అంగీకరించారు.
"అవునండీ.. మహేశ్బాబుతో తర్వాతి సినిమా కోసం చర్చలు జరుగుతున్నాయి. అయితే దీనిపై పూర్తి క్లారిటీ రావడానికి ఇంకా కొంత సమయం పడుతుంది" అని బుచ్చిబాబు అన్యపదేశంగా సమాధానమిచ్చారు.
రామ్ చరణ్ నటనను థియేటర్లలో చూసి ప్రేక్షకులు, అభిమానులు మెచ్చుకుంటుండటం తనకు ఎంతో సంతోషాన్ని ఇస్తోందని బుచ్చిబాబు అన్నాడు. తాను పేపర్పై ఏ కథనైతే రాసుకున్నానో.. దాన్ని వందకు వంద శాతం తెరపై ఆవిష్కరించగలిగానని, దానికి ప్రేక్షకుల నుంచి వస్తున్న రెస్పాన్స్ చూసి గర్వంగా ఉందని ఆనందం వ్యక్తం చేశాడు.
