హైదరాబాద్ రంజీ జట్టు కెప్టెన్గా సిరాజ్
- మొదటి రెండు మ్యాచ్లకు సిరాజ్ సారథ్యం
- వైస్ కెప్టెన్గా ఎడమచేతి వాటం పేసర్ సీవీ మిలింద్
- జాతీయ జట్టు విధుల్లో సిరాజ్ ఉంటే మిలింద్ కెప్టెన్సీ
- 15 మంది సభ్యులతో జట్టును ప్రకటించిన సీనియర్ సెలక్షన్ కమిటీ
టీమిండియా స్టార్ ఫాస్ట్ బౌలర్ మహ్మద్ సిరాజ్కు హైదరాబాద్ క్రికెట్ అసోసియేషన్ (హెచ్సీఏ) కీలక బాధ్యతలు అప్పగించింది. 2026-27 రంజీ ట్రోఫీ సీజన్లో భాగంగా మొదటి రెండు మ్యాచ్లకు హైదరాబాద్ జట్టుకు సిరాజ్ కెప్టెన్గా వ్యవహరించనున్నాడు. ఈ మేరకు హెచ్సీఏ అధికారికంగా ప్రకటించింది. ఎడమచేతి వాటం పేసర్ సీవీ మిలింద్ను వైస్ కెప్టెన్గా నియమించారు.
సీనియర్ సెలక్షన్ కమిటీ 15 మంది సభ్యులతో కూడిన జట్టును ఎంపిక చేసింది. ఒకవేళ జాతీయ జట్టుకు ఆడాల్సి వస్తే, సిరాజ్ అందుబాటులో లేని మ్యాచ్లకు మిలింద్ కెప్టెన్సీ బాధ్యతలు చేపడతాడని హెచ్సీఏ స్పష్టం చేసింది. జట్టులో అనుభవజ్ఞులైన బ్యాటర్లు తన్మయ్ అగర్వాల్, రాహుల్ సింగ్, వికెట్ కీపర్లు రాహుల్ రదేశ్, సాయి ప్రజ్ఞయ్ రెడ్డిలకు చోటు దక్కింది. వీరితో పాటు ఎం.అభిరత్ రెడ్డి, కె.హిమతేజ, వరుణ్ గౌడ్, తనయ్ త్యాగరాజన్, అనికేత్ రెడ్డి, సీటీఎల్ రక్షణ్ రెడ్డి, అజయ్ దేవ్గౌడ్, రుతిక్ యాదవ్ మెండే, సాయి వికాస్ రెడ్డి జట్టులో ఉన్నారు.
రంజీ సీజన్లో భాగంగా హైదరాబాద్ తన తొలి మ్యాచ్ను అక్టోబర్ 11న త్రిపురతో ఆడనుంది. అయితే, ఈ మ్యాచ్ వేదిక ఇంకా ఖరారు కాలేదు. అనంతరం అక్టోబర్ 18 నుంచి విశాఖపట్నంలో ఆంధ్ర జట్టుతో తలపడనుంది.
ప్రస్తుతం సిరాజ్ వెస్టిండీస్తో జరుగుతున్న వన్డే సిరీస్లో భారత జట్టులో సభ్యుడిగా ఉన్నాడు. ఈ సిరీస్ అక్టోబర్ 3న న్యూ ఛండీగఢ్లో ముగుస్తుంది. ఆ తర్వాత అక్టోబర్ 22 నుంచి న్యూజిలాండ్ పర్యటన ప్రారంభం కానుండటంతో, సిరాజ్ లభ్యతను బట్టి హెచ్సీఏ ఈ నిర్ణయం తీసుకుంది.
సీనియర్ సెలక్షన్ కమిటీ 15 మంది సభ్యులతో కూడిన జట్టును ఎంపిక చేసింది. ఒకవేళ జాతీయ జట్టుకు ఆడాల్సి వస్తే, సిరాజ్ అందుబాటులో లేని మ్యాచ్లకు మిలింద్ కెప్టెన్సీ బాధ్యతలు చేపడతాడని హెచ్సీఏ స్పష్టం చేసింది. జట్టులో అనుభవజ్ఞులైన బ్యాటర్లు తన్మయ్ అగర్వాల్, రాహుల్ సింగ్, వికెట్ కీపర్లు రాహుల్ రదేశ్, సాయి ప్రజ్ఞయ్ రెడ్డిలకు చోటు దక్కింది. వీరితో పాటు ఎం.అభిరత్ రెడ్డి, కె.హిమతేజ, వరుణ్ గౌడ్, తనయ్ త్యాగరాజన్, అనికేత్ రెడ్డి, సీటీఎల్ రక్షణ్ రెడ్డి, అజయ్ దేవ్గౌడ్, రుతిక్ యాదవ్ మెండే, సాయి వికాస్ రెడ్డి జట్టులో ఉన్నారు.
రంజీ సీజన్లో భాగంగా హైదరాబాద్ తన తొలి మ్యాచ్ను అక్టోబర్ 11న త్రిపురతో ఆడనుంది. అయితే, ఈ మ్యాచ్ వేదిక ఇంకా ఖరారు కాలేదు. అనంతరం అక్టోబర్ 18 నుంచి విశాఖపట్నంలో ఆంధ్ర జట్టుతో తలపడనుంది.
ప్రస్తుతం సిరాజ్ వెస్టిండీస్తో జరుగుతున్న వన్డే సిరీస్లో భారత జట్టులో సభ్యుడిగా ఉన్నాడు. ఈ సిరీస్ అక్టోబర్ 3న న్యూ ఛండీగఢ్లో ముగుస్తుంది. ఆ తర్వాత అక్టోబర్ 22 నుంచి న్యూజిలాండ్ పర్యటన ప్రారంభం కానుండటంతో, సిరాజ్ లభ్యతను బట్టి హెచ్సీఏ ఈ నిర్ణయం తీసుకుంది.
