9/11 దాడి: అంధుడిని కాపాడిన గైడ్ డాగ్
- దాడిలో 78వ అంతస్తులో చిక్కుకున్న పుట్టుకతో అంధుడైన వ్యక్తి
- గైడ్ డాగ్ రోసెల్ సాయంతో మెట్ల మార్గంలో సురక్షితంగా కిందకు
- బయటకు వచ్చాక కళ్లముందే రెండు టవర్లు కుప్పకూలిన వైనం
- సబ్వేలోకి తీసుకెళ్లి యజమాని ప్రాణాలు మరోసారి కాపాడిన శునకం
- విశ్వాసానికి గుర్తింపుగా రోసెల్కు ‘అవార్డ్ ఫర్ కెనైన్ ఎక్సలెన్స్’
ప్రపంచాన్ని వణికించిన 9/11 ఉగ్రదాడులకు పాతికేళ్లు సమీపిస్తున్న తరుణంలో, ఆ భయానక ఘటన నుంచి ప్రాణాలతో బయటపడిన వారి సాహసగాథలు మరోసారి వెలుగులోకి వస్తున్నాయి. వాటిలో పుట్టుకతో అంధుడైన మైఖేల్ హింగ్సన్, అతడికి కంటిచూపుగా నిలిచిన గైడ్ డాగ్ 'రోసెల్' కథ అందరినీ కదిలిస్తోంది. వరల్డ్ ట్రేడ్ సెంటర్ నార్త్ టవర్లోని 78వ అంతస్తు నుంచి ఆ శునకం తన యజమానిని సురక్షితంగా కాపాడిన తీరు అసామాన్యం.
2001, సెప్టెంబర్ 11న ఉదయం 8:46 గంటలకు హైజాక్ చేసిన విమానం నార్త్ టవర్ను ఢీకొట్టిన సమయంలో హింగ్సన్ తన కార్యాలయంలోనే ఉన్నారు. ఆ తీవ్రతకు భవనం సుమారు 20 అడుగుల మేర పక్కకు ఒరిగినట్లు అనిపించింది. ఇక తమ ఆయువు తీరిపోయిందని భావించిన హింగ్సన్, తన సహోద్యోగి డేవిడ్ ఫ్రాంక్కు వీడ్కోలు కూడా చెప్పారు. ఆ సమయంలో హింగ్సన్ గైడ్ డాగ్, రోసెల్ అనే లాబ్రడార్ శునకం అతడి డెస్క్ కింద నిశ్చింతగా నిద్రపోతోంది.
ప్రమాదాన్ని గ్రహించి వెంటనే తేరుకున్న హింగ్సన్, రోసెల్, ఫ్రాంక్లతో కలిసి మెట్ల మార్గం ద్వారా కిందకు దిగడం ప్రారంభించారు. ఆ క్లిష్ట పరిస్థితుల్లో రోసెల్ వారికి మార్గనిర్దేశం చేసింది. చుట్టూ ఉన్న ఆందోళనకర వాతావరణానికి తన శునకం బెదిరిపోకుండా ఉండేందుకు హింగ్సన్ పదేపదే దానిని ప్రోత్సహిస్తూ ముందుకు సాగారు. మార్గమధ్యలో శ్వాస తీసుకోవడానికి ఇబ్బంది పడుతున్న ఒక మహిళను వారు ఓదార్చారు. 50వ అంతస్తుకు చేరుకున్నాక తీవ్ర భయాందోళనకు గురైన ఫ్రాంక్లో హింగ్సన్ ధైర్యం నింపారు. వారు కిందకు దిగుతున్న క్రమంలో, ప్రాణాలకు తెగించి పైకి వెళుతున్న అగ్నిమాపక సిబ్బంది వారికి ఎదురయ్యారు.
సుమారు గంటపాటు శ్రమించి వారు సురక్షితంగా భవనం వెలుపలికి వచ్చారు. వారు బయటకు వచ్చిన కొద్దిసేపటికే సౌత్ టవర్ భారీ శబ్దంతో కుప్పకూలింది. ఆ విపత్కర సమయంలో రోసెల్ వెంటనే స్పందించి, హింగ్సన్ను రక్షణ కోసం సమీపంలోని సబ్వే స్టేషన్లోకి తీసుకెళ్లింది. కొద్దిసేపటికే వారు పనిచేసిన నార్త్ టవర్ కూడా కళ్లముందే నేలమట్టమైంది. రోసెల్ సమయస్ఫూర్తి కారణంగా హింగ్సన్ ప్రాణాలు దక్కాయి.
ఈ ఘటనలో రోసెల్ ప్రదర్శించిన అసాధారణ సాహసానికి గుర్తింపుగా 2002లో దానికి ‘అవార్డ్ ఫర్ కెనైన్ ఎక్సలెన్స్’ పురస్కారం లభించింది. ఆ శునకం 2011లో మరణించింది. ప్రస్తుతం హింగ్సన్ కాలిఫోర్నియాలో తన తొమ్మిదో గైడ్ డాగ్ 'అలమో'తో కలిసి నివసిస్తున్నారు.
2001, సెప్టెంబర్ 11న ఉదయం 8:46 గంటలకు హైజాక్ చేసిన విమానం నార్త్ టవర్ను ఢీకొట్టిన సమయంలో హింగ్సన్ తన కార్యాలయంలోనే ఉన్నారు. ఆ తీవ్రతకు భవనం సుమారు 20 అడుగుల మేర పక్కకు ఒరిగినట్లు అనిపించింది. ఇక తమ ఆయువు తీరిపోయిందని భావించిన హింగ్సన్, తన సహోద్యోగి డేవిడ్ ఫ్రాంక్కు వీడ్కోలు కూడా చెప్పారు. ఆ సమయంలో హింగ్సన్ గైడ్ డాగ్, రోసెల్ అనే లాబ్రడార్ శునకం అతడి డెస్క్ కింద నిశ్చింతగా నిద్రపోతోంది.
ప్రమాదాన్ని గ్రహించి వెంటనే తేరుకున్న హింగ్సన్, రోసెల్, ఫ్రాంక్లతో కలిసి మెట్ల మార్గం ద్వారా కిందకు దిగడం ప్రారంభించారు. ఆ క్లిష్ట పరిస్థితుల్లో రోసెల్ వారికి మార్గనిర్దేశం చేసింది. చుట్టూ ఉన్న ఆందోళనకర వాతావరణానికి తన శునకం బెదిరిపోకుండా ఉండేందుకు హింగ్సన్ పదేపదే దానిని ప్రోత్సహిస్తూ ముందుకు సాగారు. మార్గమధ్యలో శ్వాస తీసుకోవడానికి ఇబ్బంది పడుతున్న ఒక మహిళను వారు ఓదార్చారు. 50వ అంతస్తుకు చేరుకున్నాక తీవ్ర భయాందోళనకు గురైన ఫ్రాంక్లో హింగ్సన్ ధైర్యం నింపారు. వారు కిందకు దిగుతున్న క్రమంలో, ప్రాణాలకు తెగించి పైకి వెళుతున్న అగ్నిమాపక సిబ్బంది వారికి ఎదురయ్యారు.
సుమారు గంటపాటు శ్రమించి వారు సురక్షితంగా భవనం వెలుపలికి వచ్చారు. వారు బయటకు వచ్చిన కొద్దిసేపటికే సౌత్ టవర్ భారీ శబ్దంతో కుప్పకూలింది. ఆ విపత్కర సమయంలో రోసెల్ వెంటనే స్పందించి, హింగ్సన్ను రక్షణ కోసం సమీపంలోని సబ్వే స్టేషన్లోకి తీసుకెళ్లింది. కొద్దిసేపటికే వారు పనిచేసిన నార్త్ టవర్ కూడా కళ్లముందే నేలమట్టమైంది. రోసెల్ సమయస్ఫూర్తి కారణంగా హింగ్సన్ ప్రాణాలు దక్కాయి.
ఈ ఘటనలో రోసెల్ ప్రదర్శించిన అసాధారణ సాహసానికి గుర్తింపుగా 2002లో దానికి ‘అవార్డ్ ఫర్ కెనైన్ ఎక్సలెన్స్’ పురస్కారం లభించింది. ఆ శునకం 2011లో మరణించింది. ప్రస్తుతం హింగ్సన్ కాలిఫోర్నియాలో తన తొమ్మిదో గైడ్ డాగ్ 'అలమో'తో కలిసి నివసిస్తున్నారు.
