బాలకృష్ణ 108వ సినిమా ప్రకటన వచ్చేసింది!

బాలకృష్ణ కథానాయకుడిగా ఆయన 107వ సినిమా గోపీచంద్ మలినేని దర్శకత్వంలో రూపొందుతోంది. ఫ్యాక్షన్ నేపథ్యంలో రూపొందుతున్న ఈ సినిమాను డిసెంబర్ లో విడుదల చేయాలనే ఆలోచనలో ఉన్నారు. బాలకృష్ణ తన 108వ సినిమాను అనిల్ రావిపూడితో చేయనున్న విషయం కొంతకాలం క్రితమే బయటికి వచ్చింది. 
 
ఆయా ఇంటర్వ్యూలలో అనిల్ రావిపూడి ఈ విషయాన్ని చెప్పడం జరిగింది. ఈ ప్రాజెక్టును గురించి బాలకృష్ణ కూడా ధ్రువపరచడం జరిగింది. తాజాగా ఈ సినిమా పైకి సంబంధించిన ఎనౌన్స్ మెంట్ వీడియోను వదిలారు. పవర్ఫుల్ సబ్జెక్ట్ తో ఈ సినిమా రూపొందనున్న విషయాన్ని ఈ వీడియో ద్వారా చెప్పేశారు. 

సాహు గారపాటి - హరీశ్ పెద్ది ఈ సినిమాను నిర్మించనున్నారు. తమన్ ఈ సినిమాకి సంగీతాన్ని సమకూర్చుతున్నాడు. ఈ కథ తండ్రీకూతుళ్ల అనుబంధం చుట్టూ తిరుగుతుందనీ, కూతురు పాత్రలో శ్రీలీల చేయనుందనే  విషయాన్ని ఇంతకుముందే అనిల్ రావిపూడి చెప్పిన సంగతి తెలిసిందే. ఇక బాలయ్య సరసన ఎవరు కథానాయికగా చేయనున్నారనే విషయంలోనే క్లారిటీ రావలసి ఉంది.