కరెన్‌జీత్‌ కౌర్‌లో నేనేంటో చూడండి.. సన్నీలియోన్ బ్రాండ్ మాత్రమే: సన్నీలియోన్

బాలీవుడ్ నటి సన్నీలియోన్ జీవిత కథ ఆధారంగా రూపొందించిన ‌‘కరెన్‌జీత్ కౌర్: ది అన్‌టోల్డ్ స్టోరీ ఆఫ్ సన్నీలియోన్’ మరికొన్ని రోజుల్లో విడుదల కాబోతోంది. ఈ సందర్భంగా సన్నీలియోన్ మాట్లాడుతూ... కరెన్‌జీత్‌లో తానేంటో కనిపిస్తానని, సన్నీలియోన్ అనేది తన బ్రాండ్ మాత్రమేనని పేర్కొంది. రాబోతున్న వెబ్ సిరీస్‌పై ప్రేక్షకులు ఎలా స్పందిస్తారో చూడాలని పేర్కొంది. తాను నిజాయతీయగా ఉండాలని ప్రయత్నించానని, అలాగే ఉన్నానని తెలిపింది.

ప్రేక్షకులు మంచో, చెడో ఏదో ఒకటి చూడబోతున్నారని, వారేం చెబుతారన్న దానిపై కొంత భయంగా కూడా ఉందని సన్నీ పేర్కొంది. తన బయోపిక్‌లో కరెన్‌జీత్ వోహ్రా కనిపిస్తుందని, అది నిజమైన తన (సన్నీ) కారెక్టర్ అని వివరించింది. సన్నీలియోన్ అనేది బ్రాండ్ మాత్రమేనని పేర్కొంది. దానిని తానే సృష్టించుకున్నానని తెలిపింది. ‘‘అది సినిమా కావచ్చు, పాట కావచ్చు, ఫొటో షూట్ కావచ్చు.. అందులో ప్రజలు చూసేది నా వ్యక్తిత్వాన్ని మాత్రమే’’ అని సన్నీ పేర్కొంది.