Sangeetha: ఆ గ్రూపులో నేను లేను: సీనియర్ నటి సంగీత
- అప్పట్లో చేతినిండా సినిమాలున్నాయన్న సంగీత
- ఇప్పుడు ఒక్క సినిమా కూడా చేతిలో లేని పరిస్థితి తనదని వ్యాఖ్య
- ప్రభాస్ మూవీ తర్వాత పెద్దగా ఆఫర్లు రాలేదని వెల్లడి
- అప్పట్లో డబ్బులు సేవింగ్స్ చేయడం వల్ల ఇప్పుడు ఎటువంటి ఇబ్బంది లేకుండా సాగుతోందన్న సంగీత
సినిమా ఇండస్ట్రీలో సీనియర్ నటీమణులు ఇప్పటికీ చిన్న చిన్న క్యారెక్టర్స్ చేస్తూ సినిమానే వారి జీవితంగా బతుకుతున్నారు. పెద్ద పెద్ద స్టార్స్ తో హీరోయిన్ గా చేసి.. ఆ తరువాత వదిన, తల్లి పాత్రలలో నటిస్తుంటారు. అలాంటి నటీమణులలో సీనియర్ నటి సంగీత ఒకరు. ముత్యాల ముగ్గుతో తెలుగు ఇండస్ట్రీకి పరిచయమై, తెలుగు, తమిళ, కన్నడ సినిమాల్లో నటించి తనకంటూ ఒక ప్రత్యేక స్థానాన్ని ఏర్పరచుకున్నారు. తాజాగా ఆమె ఇచ్చిన ఇంటర్వ్యూలో తన జీవిత విశేషాలను పంచుకున్నారు. ఇప్పుడు ఆ వివరాలు చూద్దాం...
మాకంటూ చాలా తక్కువ మంది ఆర్టిస్టులతో 20 మందితో ఒక గ్రూప్ ఉంది. ఆ గ్రూపులో లత గారు, జయంతి కన్నదాసు, రాజేశ్వరి, ఎల్ఆర్ ఈశ్వరి, సత్యప్రియ ఇలా చాలామంది ఇండస్ట్రీలో ఉన్న సీనియర్ నటీమణులు అంతా ఒక చిన్న గ్రూపుగా క్రియేట్ చేసుకుని అప్పుడప్పుడు కలుస్తూ ఉంటాము" అని తెలిపారు.
నేను ఒక ఇండస్ట్రీలో సినిమాలు చేసేటప్పుడు ఇంకో ఇండస్ట్రీ వాళ్ళు నేను సినిమాలు మానేశానేమో అని అనుకునేవారు. కానీ నేను కంటిన్యూగా సినిమాలు చేశాను. కరోనాకి ముందు దాకా నేను సినిమాలలో నటిస్తూనే ఉన్నాను. ఐదు సంవత్సరాల నుండి నా చేతిలో ఒక్క సినిమా కూడా లేదు. అంతకు ముందు వరకూ నేను చాలా సినిమాలు చేశాను. ఏక్ నిరంజన్ సినిమా ప్రభాస్ తో చేశాను. ప్రెషర్ కుక్కర్ అనే సినిమా నా చివరి సినిమా. తర్వాత ఎటువంటి సినిమాలు ఒప్పుకోలేదు. దానికి కారణం అప్పట్లో కరోనా వల్ల బయటికి రాకూడదు అనుకున్నాను. ఆఫర్లు వచ్చినా చేయకూడదు అనుకున్నాను. ఇప్పుడు ప్రస్తుతానికి చేతిలో ఏ సినిమా లేదు. అప్పట్లో ఉన్న డబ్బులు సేవింగ్స్ చేయడం వల్ల ఇప్పుడు మాకు ఎటువంటి ఇబ్బంది లేకుండా ఫైనాన్షియల్ గా జరిగిపోతోంది. నేను, మా వారు ఇద్దరమే కాబట్టి మాకు ఎక్కువ ఖర్చులు కూడా లేవు" అని సంగీత తెలిపారు.
