Samantha: 'శాకుంతలం' కొత్త రిలీజ్ డేట్ ఇదే!
- శకుంతలగా కనిపించనున్న సమంత
- దుష్యంతుడి పాత్రతో దేవ్ మోహన్ పరిచయం
- ప్రత్యేక ఆకర్షణగా నిలవనున్న మణిశర్మ సంగీతం
- ఏప్రిల్ 14వ తేదీన సినిమా విడుదల
సమంత అభిమానులంతా ఇప్పుడు 'శాకుంతలం' సినిమా కోసం వేయికళ్లతో వెయిట్ చేస్తున్నారు. గుణశేఖర్ దర్శక నిర్మాతగా వ్యవహరించగా, దిల్ రాజు నిర్మాణ భాగస్వామిగా ఉన్నారు. శకుంతలగా మలయాళ నటుడు దేవ్ మోహన్ నటించిన ఈ సినిమాలో, మోహన్ బాబు .. ప్రకాశ్ రాజ్ .. గౌతమి ముఖ్యమైన పాత్రలను పోషించారు.
ఈ సినిమాను ఈ నెల 17వ తేదీన విడుదల చేయాలనుకున్నారు. అయితే కొన్ని కారణాల వలన వాయిదా వేసినట్టుగా ఇటీవల ప్రకటన చేశారు. ఇక ఇప్పుడు కొత్త రిలీజ్ డేట్ ను ఎనౌన్స్ చేశారు. ఏప్రిల్ 14వ తేదీన ఈ సినిమాను విడుదల చేయనున్నట్టుగా చెబుతూ, అందుకు సంబంధించిన పోస్టర్ ను వదిలారు.
ఈ సినిమా నుంచి ఇంతవరకూ రిలీజ్ చేసిన పాటలు చూస్తే, మణిశర్మ మ్యూజికల్ హిట్ గా నిలబెట్టే ప్రయత్నం చేసినట్టుగా తెలుస్తోంది. గుణశేఖర్ ఈ సినిమాను దృశ్య కావ్యంగా మలచినట్టుగా అర్థమవుతోంది. సమంత నాయిక ప్రధానమైన పాత్రను పోషించిన ఫస్టు పాన్ ఇండియా మూవీగా 'శాకుంతలం' గురించి చెప్పుకోవచ్చు.
