ఒకరోజు ఆలస్యంగా రానున్న 'కార్తికేయ 2'

నిఖిల్ హీరోగా 'కార్తికేయ 2' రూపొందింది. చందూ మొండేటి దర్శకత్వం వహించిన ఈ సినిమాను అభిషేక్ అగర్వాల్ .. విశ్వప్రసాద్ నిర్మించారు. ఈ సినిమాను ఆగస్టు 12వ తేదీన విడుదల చేయనున్నట్టు ప్రకటించారు. ఆ తరువాత ఆ తేదీన కూడా థియేటర్లకు రాకపోవచ్చుననే మాట వినిపించింది. 

తాజాగా ఈ సినిమా రిలీజ్ డేట్ ను ఖరారు చేశారు. అందుకు సంబంధించిన పోస్టర్ ను కొంతసేపటి క్రితం రిలీజ్ చేశారు. ఆగస్టు 13వ తేదీన ఈ సినిమాను రిలీజ్ చేయనున్నారు. అంటే ముందుగా అనుకున్న తేదీ కంటే ఒక రోజు ఆలస్యంగా థియేటర్లకు ఈ సినిమా రానుందన్నమాట. 

అనుపమ పరమేశ్వరన్ కథానాయికగా నటించిన ఈ సినిమా, ద్వాపరయుగానికి సంబంధించిన ఒక రహస్యం చుట్టూ తిరగనుంది. గతంలో వచ్చిన సినిమాకి కొనసాగింపుగానే ఈ సినిమా నడవనుంది. కాలభైరవ సంగీతాన్ని సమకూర్చిన ఈ సినిమాలో, అనుపమ్ ఖేర్ కీలకమైన పాత్రను పోషించాడు. ముఖ్యమైన పాత్రల్లో ఆదిత్య మీనన్ .. శ్రీనివాస రెడ్డి కనిపించనున్నారు.