'మా' ఎన్నిక‌ల ఏర్పాట్లపై సమీక్ష.. హాజరైన ప్ర‌కాశ్ రాజ్, మంచు విష్ణు

మూవీ ఆర్టిస్ట్ అసోసియేష‌న్ (మా) ఎన్నిక‌లు రేపు జ‌ర‌గ‌నున్నాయి. ఈ నేప‌థ్యంలో అధ్య‌క్ష ప‌దవికి పోటీ ప‌డుతున్న  ప్ర‌కాశ్ రాజ్, మంచు విష్ణు ఈ రోజు ఎన్నిక‌ల కేంద్రాన్ని పరిశీలించారు. హైద‌రాబాద్‌లోని జూబ్లిహిల్స్ ప‌బ్లిక్ స్కూల్‌లో మా ఎన్నిక‌ల ఏర్పాట్ల స‌మీక్ష నిర్వ‌హించిన నేప‌థ్యంలో వారు అక్క‌డ‌కు వ‌చ్చారు.

వారిద్ద‌రికి పోలింగ్ కోసం చేస్తోన్న ఏర్పాట్ల‌ను ఎన్నికల స‌హాయాధికారి నారాయ‌ణ రావు వివ‌రించారు. కాగా, రేపు ఉద‌యం 8 గంట‌ల నుంచి మ‌ధ్యాహ్నం 2 గంట‌ల మ‌ధ్య ఎన్నిక‌లు జ‌రుగుతాయి. రేపు సాయంత్రం 4 గంట‌ల నుంచి మా ఎన్నిక‌ల ఓట్ల లెక్కింపు ఉంది. రేపు రాత్రి 8 గంట‌లలోపు ఫ‌లితాల‌ను ప్ర‌క‌టించే అవ‌కాశం ఉంద‌ని నారాయ‌ణ రావు చెప్పారు.