Venkatesh: డేట్ ఫిక్స్ చేసుకున్న వెంకీ 'నారప్ప'!

Venkatesh Narappa release date locked

  • తమిళ 'అసురన్'కి రీమేక్ గా 'నారప్ప'
  • శ్రీకాంత్ అడ్డాల దర్శకత్వంలో వెంకటేశ్ 
  • చివరి షెడ్యూలులో చిత్రం షూటింగ్ 
  • మే 14న రిలీజ్ చేస్తున్నట్టు ప్రకటన  

ఇప్పుడు మన టాలీవుడ్ లో రిలీజ్ డేట్ల ప్రకటనల కాలంలా వుంది. కరోనా కారణంగా కొన్నాళ్ల పాటు థియేటర్లు మూతబడి.. ఇటీవలే మళ్లీ తెరుచుకుంటున్న క్రమంలో పూర్తయిన సినిమాలను ఒక్కొక్కటిగా వదులుతున్నారు. ఇక షూటింగు దశలో వున్న చిత్రాలకు రిలీజ్ డేట్లను లాక్ చేస్తున్నారు. ఆ విధంగా గత కొన్ని రోజులుగా పలు స్టార్ హీరోల సినిమాలకు సంబంధించిన విడుదల తేదీల ప్రకటనలను మనం చూస్తున్నాం.

ఈ క్రమంలో ప్రముఖ కథానాయకుడు వెంకటేశ్ నటిస్తున్న తాజా చిత్రం 'నారప్ప' రిలీజ్ డేట్ ను లాక్ చేస్తూ చిత్ర నిర్మాణ సంస్థ ఈ రోజు ప్రకటన ఇచ్చింది. ఈ చిత్రాన్ని వేసవి సెలవులలో మే 14న థియేటర్లలో ప్రపంచ వ్యాప్తంగా విడుదల చేయనున్నట్టు సోషల్ మీడియా ద్వారా సురేశ్ ప్రొడక్షన్స్ సంస్థ ప్రకటించింది. శ్రీకాంత్ అడ్డాల దర్శకత్వంలో రూపొందుతున్న ఈ చిత్రం చివరి షెడ్యూలు షూటింగ్ ప్రస్తుతం జరుగుతోంది. ఈ నెలాఖరుతో మొత్తం పూర్తవుతుంది.

తమిళంలో హిట్టయిన 'అసురన్' చిత్రానికి రీమేక్ గా ఈ 'నారప్పను' నిర్మిస్తున్నారు. ఇందులో వెంకటేశ్ సరసన ప్రియమణి జంటగా నటిస్తోంది. కరోనా లాక్ డౌన్ కి ముందు ఈ చిత్రానికి సంబంధించిన ఎక్కువ భాగం షూటింగ్ అనంతపురం జిల్లాలో నిర్వహించారు. ప్రముఖ సంగీత దర్శకుడు మణిశర్మ దీనికి సంగీతాన్ని సమకూరుస్తున్నారు.  

Venkatesh
Priyamani
Srikanth Addala
Manisharma
  • Loading...

More Telugu News