రేపు పలకరించనున్న 'రూలర్' లిరికల్ సాంగ్

బాలకృష్ణ కథానాయకుడిగా 'జై సింహా' సినిమా చేసి మాస్ ఆడియన్స్ ను అలరించిన కేఎస్ రవికుమార్, చాలా తక్కువ గ్యాప్ లోనే బాలకృష్ణతో 'రూలర్' చేశాడు. హ్యాపీ మూవీస్ బ్యానర్ పై సి.కల్యాణ్ నిర్మించిన ఈ సినిమా త్వరలోనే ప్రేక్షకులను పలకరించనుంది.

ఈ సినిమాకి చిరంతన్ భట్ సంగీతాన్ని సమకూర్చాడు. ఆయన స్వరపరిచిన 'అడుగడుగో యాక్షన్ హీరో' అనే ఫస్టు లిరికల్ వీడియో సాంగును రేపు ఉదయం 11:42 నిమిషాలకి విడుదల చేయనున్నారు. రెండు విభిన్నమైన లుక్స్ తో బాలకృష్ణ కనిపించనున్న ఈ సినిమాలో, ఆయన సరసన నాయికలుగా సోనాల్ చౌహాన్ - వేదిక నటించారు. ప్రకాశ్ రాజ్ .. భూమిక ముఖ్యమైన పాత్రల్లో కనిపించనున్నారు. బాలకృష్ణ అభిమానులంతా ఈ సినిమా కోసం వేయికళ్లతో ఎదురుచూస్తున్నారు.