‘కింగ్’ సినిమా అలస్యమవడం లేదు: షారుఖ్ ఖాన్

బాలీవుడ్ బాద్‌షా షారూఖ్ ఖాన్ తన రాబోయే భారీ యాక్షన్ ఎంటర్‌టైనర్ ‘కింగ్’ ప్రాజెక్ట్ ఆలస్యమవుతోందంటూ వస్తున్న పుకార్లకు చెక్ పెట్టారు. సిద్ధార్థ్ ఆనంద్ దర్శకత్వంలో సుజయ్ ఘోష్ రూపొందిస్తున్న ఈ సినిమా చిత్రీకరణ ప్రణాళిక ప్రకారమే శరవేగంగా సాగుతోందని క్లారిటీ ఇచ్చారు. ఈ సందర్భంగా బాలీవుడ్ మ్యాజికల్ సింగర్ అరిజిత్ సింగ్‌తో ఉన్న కాంబినేషన్‌పై ఖాన్ సంచలన అప్‌డేట్ అందించారు.

‘కింగ్’ చిత్రం రీ-షెడ్యూల్ అయిందనే వార్తలలో ఎలాంటి నిజం లేదని, ముందుగా అనుకున్న షెడ్యూల్ ప్రకారమే లండన్, ఐరోపాలోని పలు ప్రాంతాల్లో భారీ యాక్షన్ సీన్లను చిత్రీకరిస్తున్నామని షారుఖ్ తెలిపారు. ‘దిల్వాలే’ (జెరువా), ‘పఠాన్’ (జూమే జో పఠాన్), ‘జవాన్’ (చాలేయా) వంటి చారిత్రాత్మక చార్ట్‌బస్టర్ల తర్వాత అరిజిత్ తో మళ్లీ ఓ అద్భుతమైన లవ్ ట్రాక్ కోసం చేతులు కలిపామని వెల్లడించారు. ఈ ట్రాక్ శ్రోతలను మంత్రముగ్ధులను చేస్తుందని ధీమా వ్యక్తం చేశారు. ఈ చిత్రంలో షారూఖ్ ఖాన్ తన కుమార్తె సుహానా ఖాన్‌తో కలిసి తొలిసారి పూర్తిస్థాయిలో స్క్రీన్ షేర్ చేసుకుంటుండగా, ప్రముఖ నటుడు అభిషేక్ బచ్చన్ శక్తివంతమైన ప్రతినాయకుడి పాత్రలో అలరించనున్నారు.