తన పేరు మీదే కొత్త ప్రొడక్షన్ హౌస్ ను ప్రకటించిన దిల్ రాజు

ప్రముఖ నిర్మాత దిల్ రాజుకు ఇప్పటికే శ్రీ వెంకటేశ్వర క్రియేషన్స్ పేరిట ఓ చిత్ర నిర్మాణ సంస్థ ఉంది. అయినప్పటికీ ఆయన మరో ప్రొడక్షన్ హౌస్ ప్రారంభించారు. తన పేరు మీదే దిల్ రాజు ప్రొడక్షన్స్ (డీఆర్పీ) పేరుతో కొత్త సంస్థను ప్రకటించారు. అయితే ఈ నూతన ప్రొడక్షన్ హౌస్ కార్యకలాపాలను తన కుమార్తె హన్షిత రెడ్డి చూసుకుంటుందని వెల్లడించారు. 

డీఆర్పీ బ్యానర్ పై ప్రయోగాత్మక చిత్రాలు చేస్తామని దిల్ రాజు తెలిపారు. చిన్న సినిమాలను ప్రోత్సహించాలన్నదే కొత్త బ్యానర్ ప్రారంభించడానికి ప్రధాన కారణం అని తెలిపారు. ఈ సంస్థ నుంచి ప్రథమంగా బలగం అనే చిత్రాన్ని నిర్మిస్తున్నామని వివరించారు. జబర్దస్త్ వేణు ఈ సినిమాకు దర్శకత్వం వహిస్తున్నాడని తెలిపారు.