హనీమూన్ కు థాయ్ లాండ్ వెళ్లిన నయనతార, విఘ్నేశ్ శివన్

దక్షిణాది అగ్ర హీరోయిన్ నయనతార, తమిళ దర్శకుడు విఘ్నేశ్ శివన్ జూన్ 9న పెళ్లితో ఒక్కటైన సంగతి తెలిసిందే. చాలాకాలంగా ప్రేమలో ఉన్న వీరు ఎట్టకేలకు ఓ ఇంటివారయ్యారు. కాగా, నయనతార, విఘ్నేశ్ శివన్ హనీమూన్ కు ఎక్కడికి వెళతారన్నది ఓ ఇంట్రస్టింగ్ టాపిక్ గా మారింది. 

అయితే ఈ జోడీ థాయ్ లాండ్ ను తమ హనీమూన్ వేదికగా ఎంచుకుంది. నయనతారతో తన భావోద్వేగాలను పంచుకుంటున్న ఫొటోలను విఘ్నేశ్ శివన్ సోషల్ మీడియాలో పంచుకున్నాడు. వీరిద్దరూ ఇక్కడి సముద్ర తీరప్రాంతంలోని ఓ లగ్జరీ రిసార్ట్ విల్లాలో బస చేసినట్టు తెలుస్తోంది. నా స్వీట్ హార్ట్ తో థాయ్ లాండ్ లో అంటూ విఘ్నేశ్ శివన్ తన పోస్టులో పేర్కొన్నాడు.
.