ram potineni: టైటిలే పెట్టకున్నా.. రామ్-బోయపాటి సినిమా రిలీజ్ డేట్ ఖరారు
- సెప్టెంబర్ 15న విడుదల కానున్న చిత్రం
- రామ్ సరసన హీరోయిన్ గా నటించిన శ్రీలీల
- ఐదు భాషల్లో విడుదల కానున్న సినిమా
ఎనర్జిటిక్ స్టార్ పోతినేని రామ్ హీరోగా, మాస్ డైరెక్టర్ బోయపాటి కాంబినేషన్లో ఓ సినిమా రూపొందుతోంది. పూర్తి కమర్షియల్ ఎంటర్ టైనర్ గా వస్తున్న ఈ చిత్రంలో రామ్ సరసన శ్రీలీల హీరోయిన్ గా నటిస్తోంది. మాస్ లుక్ లోని రామ్ పోస్టర్, గ్లింప్స్ ఆకట్టుకుంటున్నాయి. ఈ చిత్రానికి ఇంకా టైటిల్ ఖరారు చేయకున్నా రిలీజ్ డేట్ ను ప్రకటించారు. ఈ సినిమా సెప్టెంబర్ 15వ తేదీన విడుదల కానుంది.
ఈ మేరకు రిలీజ్ డేట్ తో కూడిన పోస్టర్ ను చిత్ర యూనిట్ సోషల్ మీడియాలో షేర్ చేసింది. తెల్ల చొక్క, పంచెలో పొలంలో మంచం వేసుకొని రామ్ సరదాగా కూర్చున్న పోస్టర్ ఆకట్టుకునేలా ఉంది. ఈ సినిమాని కూడా పాన్ ఇండియా స్థాయిలో రిలీజ్ చేయబోతున్నారు. తెలుగు, తమిళ్, కన్నడ, మలయాళ, హిందీ భాషల్లో విడుదల కానుంది. సినిమాకు థమన్ సంగీతం అందించగా, శ్రీనివాస చిత్తూరి నిర్మించారు.
