'అఖండ' క్లైమాక్స్ పనుల్లో బోయపాటి!

బాలకృష్ణ - బోయపాటి కాంబినేషన్లో 'అఖండ' రూపొందుతోంది. మిర్యాల రవీందర్ రెడ్డి నిర్మిస్తున్న ఈ సినిమా, చాలావరకూ చిత్రీకరణను జరుపుకుంది. క్లైమాక్స్ ను మాత్రమే చిత్రీకరించవలసి వుంది. క్లైమాక్స్ ను ఆంధ్రాలో షూట్ చేయాలనుకున్నారు. కరోనా కారణంగా పరిస్థితులు అనుకూలంగా లేకపోవడం వలన వెయిట్ చేస్తూ వచ్చారు. ప్రస్తుతం ఆంధ్రాలో లొకేషన్ వేటలో బోయపాటి ఉన్నాడట. లొకేషన్ ఓకే అనుకుంటే చివరి షెడ్యూల్ షూటింగ్ అక్కడ జరుగుతుందన్న మాట.

ఈ సినిమాలో బాలకృష్ణ రైతుగా .. అఘోరగా డిఫరెంట్ లుక్స్ తో కనిపించనున్నారు. ఈ రెండు లుక్స్ కి కూడా మంచి రెస్పాన్స్ వచ్చింది. బాలకృష్ణను ఎలా చూపించాలో .. ఆయన అభిమానులు ఆయన సినిమాల నుంచి ఆశించేదేమిటో బోయపాటికి బాగా తెలుసు. అందువలన క్లైమాక్స్ ను ఆయన ఒక రేంజ్ లో ప్లాన్ చేశాడు. ప్రగ్యా జైస్వాల్ కథానాయికగా అలరించనున్న ఈ సినిమాలో, పూర్ణ ఒక ప్రత్యేకమైన పాత్రలో కనిపించనుంది. ఇక ప్రతినాయకుడిగా శ్రీకాంత్ చేస్తున్న సంగతి తెలిసిందే.