Prabhas: ప్రభాస్ సినిమాలో విలన్ గా సైఫ్ అలీ ఖాన్!

స్టార్ హీరో ప్రభాస్ మరో ప్యాన్ ఇండియా చిత్రంలో నటించబోతున్న సంగతి తెలిసిందే. బాలీవుడ్ దర్శకుడు ఓం రౌత్ ఈ చిత్రాన్ని తెకెక్కిస్తున్నారు. ఈ చిత్రానికి 'ఆదిపురుష్' అనే పేరు పెట్టారు. మొత్తం ఐదు భాషల్లో ఈ చిత్రం తెరకెక్కబోతోంది. మరోవైపు ఈ సినిమాకు సంబంధించిన ఓ ఆసక్తికరమైన వార్త ప్రచారమవుతోంది. ఈ చిత్రంలో ప్రముఖ బాలీవుడ్ నటుడు సైఫ్ అలీ ఖాన్ విలన్ పాత్రలో నటించబోతున్నట్టు బీటౌన్ లో చర్చ జరుగుతోంది. ఓం రౌత్ తెరకెక్కించిన 'తానాజీ' చిత్రంలో కూడా సైఫ్ కీలక పాత్రను పోషించారు. మరోవైపు ప్రభాస్, సైఫ్ కాంబినేషన్లో ఈ సినిమా సూపర్ హిట్ కావడం ఖాయమని అభిమానులు చెబుతున్నారు.