mohan babu: మోహన్ బాబుగారితో కలిసి పనిచేయడం గర్వంగా వుంది: 'గాయత్రి' దర్శకుడు
- మోహన్ బాబు గారు గొప్ప నటులు
- ఒకే సిటింగ్ లో ఈ కథను ఓకే చేశారు
- ఆయనతో సినిమా చేయడం నా అదృష్టం
మోహన్ బాబు ప్రధాన పాత్రధారిగా రూపొందిన 'గాయత్రి' సినిమాకి మదన్ దర్శకుడిగా వ్యవహరించాడు. టైటిల్ రోల్ లో నిఖిలా విమల్ నటించగా, ఇతర ముఖ్యమైన పాత్రల్లో మంచు విష్ణు, శ్రియ కనిపించనున్నారు. ఈ నెల 9వ తేదీన ఈ సినిమా భారీస్థాయిలో విడుదల కానుంది.
మోహన్ బాబు ద్విపాత్రాభినయం చేసిన ఈ సినిమాను గురించి దర్శకుడు మదన్ మాట్లాడుతూ .. "తండ్రీ కూతుళ్ల మధ్య చోటుచేసుకునే బలమైన కథా కథనాలతో ఈ సినిమా కొనసాగుతుందని చెప్పారు. ఇద్దరు మోహన్ బాబులలో ఒకరు యంగ్ గా వున్నప్పటి పాత్రలో విష్ణు కనిపిస్తాడని అన్నారు. ఒకేఒక సిటింగ్ లో మోహన్ బాబు ఈ కథను ఓకే చేశారు. ఆయన ఎంతటి గొప్ప నటుడనే విషయం ప్రత్యక్షంగా తెలుసుకున్నాను. ఆయన నుంచి నేను ఎంతో నేర్చుకోవడానికి అవకాశం లభించింది. ఒక్క మాటలో చెప్పాలంటే ఆయనతో కలిసి పనిచేసినందుకు నాకెంతో గర్వంగా వుంది" అని అన్నారు.
