వెబ్‌సిరీస్‌లో న‌టించ‌నున్న క‌మ‌లహాస‌న్ రెండో కూతురు?

ఇటీవ‌ల `వివేకం` సినిమాలో హ్యాక‌ర్ పాత్ర‌లో క‌నిపించిన క‌మ‌ల్ కూతురు అక్ష‌ర హాస‌న్, త్వ‌ర‌లో ఓ వెబ్ సిరీస్‌లో న‌టించ‌నున్న‌ట్లు తెలుస్తోంది. ప్ర‌స్తుతం ద‌గ్గుబాటి రానా న‌టిస్తున్న `సోష‌ల్‌` వెబ్‌సిరీస్ లో ఓ పాత్ర కోసం `వియూ` మీడియా వారు ఆమెను సంప్ర‌దించినట్లు స‌మాచారం. అయితే దాని గురించి ఇంకా చ‌ర్చ‌లు కొన‌సాగుతున్నాయ‌ని, ఇంకా ఆ సిరీస్‌లో న‌టించ‌డంపై ఎలాంటి స్ప‌ష్ట‌త‌కు రాలేద‌ని అక్ష‌ర చెప్పింది.

అలాగే ఇత‌ర వెబ్ సిరీస్‌ల‌కు సంబంధించి కూడా స్టోరీలు వింటున్న‌ట్లు అక్ష‌ర తెలిపింది. ఈ మ‌ధ్య ట్రెండ్‌గా మారిన వెబ్ సిరీస్‌ల గురించి ఆమె మాట్లాడుతూ భ‌విష్య‌త్తులో ఈ వెబ్ సిరీస్‌లు మంచి ప్రాముఖ్య‌త‌ను సంత‌రించుకుంటాయ‌ని, రాబోయే కాలం వెబ్ సిరీస్‌ల‌దేన‌ని అంది. సినిమాలు, వెబ్ సిరీస్ మంచి స‌మ‌న్వ‌యంతో ప్రేక్ష‌కుల‌ను అల‌రిస్తుంటే చూడాల‌ని ఉందని అక్ష‌ర అంది.