ఎండలో కారు పార్క్ చేస్తున్నారా? ఈ 5 వస్తువులు అస్సలు ఉంచకండి..!
- ఎండలో పార్క్ చేసిన కారు లోపల వేడి వేగంగా పెరిగే ఛాన్స్‌
- అందులో మందులు, సప్లిమెంట్లు ఉంటే నాణ్యత దెబ్బతినే అవకాశం
- ఫోన్లు, పవర్‌ బ్యాంకుల బ్యాటరీలకు ప్రమాదం
- ఏరోసోల్‌ క్యాన్లు, లైటర్లు వేడికి ప్రమాదకరంగా మారే ఛాన్స్‌
- ప్లాస్టిక్‌ బాటిళ్లు, సౌందర్య సాధనాలను కారులో వదలొద్దని సూచన
మనం బయటకు వెళ్లినప్పుడు కారు సీటుపై ఫోన్‌ వదిలేయడం, వెనుక సీటులో వాటర్‌ బాటిల్‌ పెట్టడం, హ్యాండ్‌బ్యాగ్‌ను కారులోనే ఉంచి వెళ్లడం సాధారణమే. కాసేపట్లో తిరిగొస్తాం కదా అని వాటిని అక్కడే వదిలేస్తుంటాం. కానీ ఎండ తీవ్రంగా ఉన్నప్పుడు పార్క్ చేసిన కారు లోపలి ఉష్ణోగ్రత వేగంగా పెరుగుతుంది. దీంతో అందులో ఉంచిన కొన్ని వస్తువులు పాడవడమే కాకుండా, కొన్ని సందర్భాల్లో ప్రమాదాలకు కూడా కారణమవుతాయి. కారు నీడలో ఉన్నా, అద్దాలను కొద్దిగా తెరిచి ఉంచినా లోపల చల్లగా ఉంటుందని గ్యారంటీ లేదు. అందుకే ఈ ఐదు రకాల వస్తువులను కారులో వదిలి వెళ్లకూడదు.
1. మందులు, విటమిన్లు
మందులను కారులో ఉంచి షాపింగ్‌కు వెళ్లడం సౌకర్యంగా అనిపించవచ్చు. కానీ అధిక ఉష్ణోగ్రతల వల్ల వాటి నాణ్యత, ప్రభావం తగ్గే అవకాశం ఉంది. ఇన్సులిన్‌, కొన్ని రకాల యాంటీబయాటిక్స్‌ ఉష్ణోగ్రత మార్పులకు మరింత సున్నితంగా ఉంటాయి. విటమిన్లు, పోషక పదార్థాల సప్లిమెంట్లు కూడా సరిగా నిల్వ చేయకపోతే పాడవుతాయి. మందుల ప్యాకెట్‌పై ఉన్న సూచనలు పాటించాలి.
2. ఫోన్లు, ల్యాప్‌టాప్‌లు, పవర్‌ బ్యాంకులు
ఎండలో డ్యాష్‌బోర్డుపై ఫోన్‌ ఉంచితే అది ప్రమాదకర స్థాయిలో వేడెక్కవచ్చు. ల్యాప్‌టాప్‌లు, ట్యాబ్లెట్లు, వైర్‌లెస్‌ ఇయర్‌బడ్స్‌, పవర్‌ బ్యాంకులపై కూడా వేడి ప్రభావం చూపుతుంది. ముఖ్యంగా వీటిలోని బ్యాటరీలు దెబ్బతిని వాటి జీవితకాలం తగ్గవచ్చు. కొన్ని సందర్భాల్లో లిథియం అయాన్‌ బ్యాటరీ ఉబ్బడం లేదా మంటలు చెలరేగడం వంటి ప్రమాదాలు ఎదురుకావచ్చు. అందుకే ఎలక్ట్రానిక్‌ పరికరాలను వెంట తీసుకెళ్లాలి. ఒకవేళ అది వేడెక్కితే అది చల్లబడే వరకు వాడొద్దు. ఛార్జింగ్‌ పెట్టొద్దు.
3. ఏరోసోల్‌ క్యాన్లు, లైటర్లు
డియోడరెంట్‌, హెయిర్‌ స్ప్రే క్యాన్లు, లైటర్లను కారు డోర్‌ జేబులో ఉంచడం ప్రమాదకరం కావచ్చు. ఏరోసోల్‌ క్యాన్లు, బ్యూటేన్‌ లైటర్లలో ఒత్తిడితో కూడిన పదార్థాలు ఉంటాయి. అధిక వేడి వల్ల లోపల ఒత్తిడి పెరిగి లీకేజీ లేదా క్యాన్‌ పగిలిపోవడం వంటి ఘటనలు జరిగే అవకాశం ఉంది. వీటిని ముఖ్యంగా నేరుగా ఎండ తగిలే ప్రాంతాల్లో ఉంచకూడదు. ఉత్పత్తులపై ఉన్న ఉష్ణోగ్రత హెచ్చరికలను తప్పనిసరిగా గమనించాలి.
4. ప్లాస్టిక్‌ వాటర్‌ బాటిళ్లు
కారులో నీళ్ల బాటిల్‌ ఉంచడం ప్రమాదకరం కాదని చాలామంది భావిస్తారు. అయితే ఎక్కువసేపు అధిక ఉష్ణోగ్రతలకు గురికావడం వల్ల కొన్ని రకాల ప్లాస్టిక్‌ పదార్థాలు నీటిలోకి విడుదలయ్యే అవకాశం ఉందని అధ్యయనాలు సూచిస్తున్నాయి. ఎక్కువసేపు సరిగా నిల్వ చేయకపోతే నీటి నాణ్యతలోనూ మార్పులు రావచ్చు. అందువల్ల రోజంతా కారులో నీళ్ల బాటిళ్లను వదిలేయకూడదు. ప్రయాణాల సమయంలో నీటిని చల్లగా ఉంచేందుకు ఇన్సులేటెడ్‌ స్టీల్‌ బాటిల్‌ ఉపయోగించడం మంచి ప్రత్యామ్నాయం.
5. చాక్లెట్లు, సౌందర్య సాధనాలు, చర్మ సంరక్షణ ఉత్పత్తులు
ఎండలో కారులో ఉంచిన చాక్లెట్లు కరిగిపోవడం సాధారణమే. అయితే లిప్‌స్టిక్‌లు కూడా కరిగిపోవచ్చు. క్రీమ్‌లు, చర్మ సంరక్షణ ఉత్పత్తుల నాణ్యత తగ్గడం వంటి సమస్యలు ఎదురవుతాయి. సన్‌స్క్రీన్‌ను కూడా తయారీదారు సూచించిన విధంగానే నిల్వ చేయాలి. అధిక వేడికి గురైతే దాని నాణ్యతపై ప్రభావం పడవచ్చు. అందుకే సౌందర్య సాధనాలు, చాక్లెట్లు, ఇతర ఆహార పదార్థాలను కారులో వదిలేయకుండా చల్లని ప్రదేశంలో ఉంచాలి. వాటి రంగు, వాసన లేదా రూపంలో మార్పులు కనిపిస్తే ఉపయోగించే ముందు జాగ్రత్తగా పరిశీలించాలి.
1. మందులు, విటమిన్లు
మందులను కారులో ఉంచి షాపింగ్‌కు వెళ్లడం సౌకర్యంగా అనిపించవచ్చు. కానీ అధిక ఉష్ణోగ్రతల వల్ల వాటి నాణ్యత, ప్రభావం తగ్గే అవకాశం ఉంది. ఇన్సులిన్‌, కొన్ని రకాల యాంటీబయాటిక్స్‌ ఉష్ణోగ్రత మార్పులకు మరింత సున్నితంగా ఉంటాయి. విటమిన్లు, పోషక పదార్థాల సప్లిమెంట్లు కూడా సరిగా నిల్వ చేయకపోతే పాడవుతాయి. మందుల ప్యాకెట్‌పై ఉన్న సూచనలు పాటించాలి.
2. ఫోన్లు, ల్యాప్‌టాప్‌లు, పవర్‌ బ్యాంకులు
ఎండలో డ్యాష్‌బోర్డుపై ఫోన్‌ ఉంచితే అది ప్రమాదకర స్థాయిలో వేడెక్కవచ్చు. ల్యాప్‌టాప్‌లు, ట్యాబ్లెట్లు, వైర్‌లెస్‌ ఇయర్‌బడ్స్‌, పవర్‌ బ్యాంకులపై కూడా వేడి ప్రభావం చూపుతుంది. ముఖ్యంగా వీటిలోని బ్యాటరీలు దెబ్బతిని వాటి జీవితకాలం తగ్గవచ్చు. కొన్ని సందర్భాల్లో లిథియం అయాన్‌ బ్యాటరీ ఉబ్బడం లేదా మంటలు చెలరేగడం వంటి ప్రమాదాలు ఎదురుకావచ్చు. అందుకే ఎలక్ట్రానిక్‌ పరికరాలను వెంట తీసుకెళ్లాలి. ఒకవేళ అది వేడెక్కితే అది చల్లబడే వరకు వాడొద్దు. ఛార్జింగ్‌ పెట్టొద్దు.
3. ఏరోసోల్‌ క్యాన్లు, లైటర్లు
డియోడరెంట్‌, హెయిర్‌ స్ప్రే క్యాన్లు, లైటర్లను కారు డోర్‌ జేబులో ఉంచడం ప్రమాదకరం కావచ్చు. ఏరోసోల్‌ క్యాన్లు, బ్యూటేన్‌ లైటర్లలో ఒత్తిడితో కూడిన పదార్థాలు ఉంటాయి. అధిక వేడి వల్ల లోపల ఒత్తిడి పెరిగి లీకేజీ లేదా క్యాన్‌ పగిలిపోవడం వంటి ఘటనలు జరిగే అవకాశం ఉంది. వీటిని ముఖ్యంగా నేరుగా ఎండ తగిలే ప్రాంతాల్లో ఉంచకూడదు. ఉత్పత్తులపై ఉన్న ఉష్ణోగ్రత హెచ్చరికలను తప్పనిసరిగా గమనించాలి.
4. ప్లాస్టిక్‌ వాటర్‌ బాటిళ్లు
కారులో నీళ్ల బాటిల్‌ ఉంచడం ప్రమాదకరం కాదని చాలామంది భావిస్తారు. అయితే ఎక్కువసేపు అధిక ఉష్ణోగ్రతలకు గురికావడం వల్ల కొన్ని రకాల ప్లాస్టిక్‌ పదార్థాలు నీటిలోకి విడుదలయ్యే అవకాశం ఉందని అధ్యయనాలు సూచిస్తున్నాయి. ఎక్కువసేపు సరిగా నిల్వ చేయకపోతే నీటి నాణ్యతలోనూ మార్పులు రావచ్చు. అందువల్ల రోజంతా కారులో నీళ్ల బాటిళ్లను వదిలేయకూడదు. ప్రయాణాల సమయంలో నీటిని చల్లగా ఉంచేందుకు ఇన్సులేటెడ్‌ స్టీల్‌ బాటిల్‌ ఉపయోగించడం మంచి ప్రత్యామ్నాయం.
5. చాక్లెట్లు, సౌందర్య సాధనాలు, చర్మ సంరక్షణ ఉత్పత్తులు
ఎండలో కారులో ఉంచిన చాక్లెట్లు కరిగిపోవడం సాధారణమే. అయితే లిప్‌స్టిక్‌లు కూడా కరిగిపోవచ్చు. క్రీమ్‌లు, చర్మ సంరక్షణ ఉత్పత్తుల నాణ్యత తగ్గడం వంటి సమస్యలు ఎదురవుతాయి. సన్‌స్క్రీన్‌ను కూడా తయారీదారు సూచించిన విధంగానే నిల్వ చేయాలి. అధిక వేడికి గురైతే దాని నాణ్యతపై ప్రభావం పడవచ్చు. అందుకే సౌందర్య సాధనాలు, చాక్లెట్లు, ఇతర ఆహార పదార్థాలను కారులో వదిలేయకుండా చల్లని ప్రదేశంలో ఉంచాలి. వాటి రంగు, వాసన లేదా రూపంలో మార్పులు కనిపిస్తే ఉపయోగించే ముందు జాగ్రత్తగా పరిశీలించాలి.
