కాసేపట్లో భారత్‌-విండీస్‌ పోరు.. బెంగళూరుకు భారీ వర్ష సూచన!
- భారత్‌-వెస్టిండీస్‌ సిరీస్‌ 2-2తో సమం
- నేడు ఐదో టీ20కి వర్షం ముప్పు
- బెంగళూరులో రాత్రి 10 గంటలకు వర్షం పడే అవకాశం 78 శాతం
- భారీ వర్షం కురిస్తే మ్యాచ్‌కు అంతరాయం
- అర్ష్‌దీప్‌ ఫిట్‌నెస్‌పై ఆధారపడి ఉన్న భువనేశ్వర్‌ ఎంపిక
భారత్‌-వెస్టిండీస్‌ మధ్య మరికాసేపట్లో ప్రారంభం కానున్న ఐదో టీ20పై వర్షం నీడ కమ్ముకుంది. ఇప్పటికే సిరీస్‌ 2-2తో సమంగా ఉండటంతో ఈ మ్యాచ్‌ విజేతగా నిలిచిన జట్టుకే సిరీస్‌ దక్కనుంది. ఇలాంటి కీలక పోరుకు వర్షం అంతరాయం కలిగించే అవకాశాలు ఉండటంతో అభిమానుల్లో ఉత్కంఠ నెలకొంది. బెంగళూరులోని ఎం. చిన్నస్వామి స్టేడియంలో రాత్రి వేళ వర్షం పడే అవకాశం పెరుగుతుండటంతో మ్యాచ్‌ పూర్తిగా జరుగుతుందా? లేక వరుణుడు సిరీస్‌ ఫలితాన్ని తారుమారు చేస్తాడా? అన్న ఆందోళన వ్యక్తమవుతోంది.
వాతావరణ అంచనాల ప్రకారం.. టాస్‌ సమయానికి వర్షం పడే అవకాశం 34-49 శాతం మధ్య ఉండనుంది. మ్యాచ్‌ తొలి మూడు గంటల్లో ఈ అవకాశం 34 శాతం నుంచి 40 శాతానికి పెరగవచ్చని అంచనా. రాత్రి 10 గంటల సమయంలో వర్షం పడే అవకాశం ఏకంగా 78 శాతానికి చేరవచ్చని అక్యూవెదర్‌ తెలిపింది.
చిన్నస్వామి స్టేడియంలో నీరు త్వరగా బయటకు వెళ్లేలా మెరుగైన డ్రైనేజీ వ్యవస్థ ఉంది. అయినప్పటికీ భారీ వర్షం కురిస్తే మ్యాచ్‌కు అంతరాయం తప్పకపోవచ్చు. దీంతో నిర్ణయాత్మక టీ20 సజావుగా సాగుతుందా? అన్నది ఆసక్తికరంగా మారింది.
ఇప్పటివరకు జరిగిన నాలుగు మ్యాచ్‌ల్లో ఇరు జట్లు రెండేసి విజయాలు సాధించాయి. సిరీస్‌ గెలవాలంటే భారత్‌ తన బౌలింగ్‌ లోపాలను సరిదిద్దుకోవాల్సి ఉంది. మరోవైపు అర్ష్‌దీప్‌ సింగ్‌ ఫిట్‌నెస్‌ను బట్టి భువనేశ్వర్‌ కుమార్‌ తుది జట్టులో ఆడే విషయంపై నిర్ణయం తీసుకోనున్నారు.
వాతావరణ అంచనాల ప్రకారం.. టాస్‌ సమయానికి వర్షం పడే అవకాశం 34-49 శాతం మధ్య ఉండనుంది. మ్యాచ్‌ తొలి మూడు గంటల్లో ఈ అవకాశం 34 శాతం నుంచి 40 శాతానికి పెరగవచ్చని అంచనా. రాత్రి 10 గంటల సమయంలో వర్షం పడే అవకాశం ఏకంగా 78 శాతానికి చేరవచ్చని అక్యూవెదర్‌ తెలిపింది.
చిన్నస్వామి స్టేడియంలో నీరు త్వరగా బయటకు వెళ్లేలా మెరుగైన డ్రైనేజీ వ్యవస్థ ఉంది. అయినప్పటికీ భారీ వర్షం కురిస్తే మ్యాచ్‌కు అంతరాయం తప్పకపోవచ్చు. దీంతో నిర్ణయాత్మక టీ20 సజావుగా సాగుతుందా? అన్నది ఆసక్తికరంగా మారింది.
ఇప్పటివరకు జరిగిన నాలుగు మ్యాచ్‌ల్లో ఇరు జట్లు రెండేసి విజయాలు సాధించాయి. సిరీస్‌ గెలవాలంటే భారత్‌ తన బౌలింగ్‌ లోపాలను సరిదిద్దుకోవాల్సి ఉంది. మరోవైపు అర్ష్‌దీప్‌ సింగ్‌ ఫిట్‌నెస్‌ను బట్టి భువనేశ్వర్‌ కుమార్‌ తుది జట్టులో ఆడే విషయంపై నిర్ణయం తీసుకోనున్నారు.
