తమిళనాడు ఉప ఎన్నికల ఫలితాలు.. విజయ్ పార్టీ గెలుపుపై స్టాలిన్ స్పందన
- తమిళనాడు ఉపఎన్నికల్లో అధికార టీవీకే విజయం
- ఇది ద్రోహ రాజకీయాల తాత్కాలిక గెలుపన్న స్టాలిన్
- మైనారిటీ ప్రభుత్వాన్ని మెజారిటీగా మార్చే కుట్ర అని విపక్షాల ఆరోపణ
- డబ్బు, అధికార దుర్వినియోగంతోనే గెలిచారంటూ విమర్శలు
తమిళనాడులోని ధరాపురం, మధురాంతకం అసెంబ్లీ నియోజకవర్గాలకు జరిగిన ఉపఎన్నికల్లో అధికార తమిళగ వెట్రి కళగం (టీవీకే) విజయం సాధించింది. అయితే, ఈ ఫలితాలపై డీఎంకే అధ్యక్షుడు ఎం.కే. స్టాలిన్ తీవ్రంగా స్పందించారు. ఇది "ద్రోహ రాజకీయాల తాత్కాలిక విజయం" అని అభివర్ణించిన ఆయన, "తప్పుడు ప్రతిష్ఠ రాజకీయాల పతనం మొదలైంది" అని వ్యాఖ్యానించారు.
సోషల్ మీడియా వేదికగా శుక్రవారం స్టాలిన్ స్పందిస్తూ, అధికార టీవీకేకు వ్యతిరేకంగా పోలైన ఓట్లను గమనిస్తే, మెజారిటీ ప్రజలు ఆ పార్టీని తిరస్కరించినట్లేనని విశ్లేషించారు. ఎమ్మెల్యేల బేరసారాలు, ఇతర పార్టీల నేతలను ప్రలోభపెట్టడం, కక్ష సాధింపు చర్యలు, అనాగరిక చర్చలను మానుకోవాలని సూచించారు. సోషల్ మీడియాలో రీల్స్ చేయడంపై కాకుండా, ప్రజా సమస్యల పరిష్కారంపై ముఖ్యమంత్రి విజయ్ దృష్టి సారించాలని హితవు పలికారు.
అసెంబ్లీ ఎన్నికలు జరిగిన ఐదు నెలలకే ఇద్దరు ఎమ్మెల్యేలు రాజీనామా చేసి అధికార పార్టీలో చేరడం వల్లే ఈ ఉపఎన్నికలు వచ్చాయని స్టాలిన్ ఆరోపించారు. దీనిని ఆయన "ప్రజాస్వామ్య హత్య"గా పేర్కొన్నారు. ధన బలం, అధికార దుర్వినియోగం, పోలీసు బలంతోనే టీవీకే గెలిచిందని విమర్శించారు. ముఖ్యమంత్రి విజయ్ కేవలం తన సినీ ఇమేజ్‌తో రాజకీయాలు చేస్తున్నారని, సొంతంగా మెజారిటీ సాధించలేక ఎమ్మెల్యేల బేరసారాలతో ముఖ్యమంత్రి పీఠాన్ని దక్కించుకున్నారని దుయ్యబట్టారు. విజయ్ ఈ రెండు నియోజకవర్గాల్లో నాలుగు రోజుల పాటు పర్యటించి, టీ దుకాణాలను సందర్శించడం, ట్రాక్టర్ నడపడం వంటివి చేయడంపై ఆయన ఎద్దేవా చేశారు.
అన్నాడీఎంకే ప్రధాన కార్యదర్శి ఎడప్పాడి కె. పళనిస్వామి కూడా టీవీకే విజయం తాత్కాలికమేనని వ్యాఖ్యానించారు. అధికార దుర్వినియోగం, విచ్చలవిడి డబ్బు పంపిణీతోనే వారు గెలిచారని ఆరోపించారు. తమ పార్టీ ఎమ్మెల్యేలతో బేరసారాలు సాగించి, మైనారిటీ ప్రభుత్వాన్ని మెజారిటీగా మార్చుకునే దురుద్దేశంతోనే టీవీకే ఈ ఉపఎన్నికలను కొనితెచ్చిందని విమర్శించారు.
సోషల్ మీడియా వేదికగా శుక్రవారం స్టాలిన్ స్పందిస్తూ, అధికార టీవీకేకు వ్యతిరేకంగా పోలైన ఓట్లను గమనిస్తే, మెజారిటీ ప్రజలు ఆ పార్టీని తిరస్కరించినట్లేనని విశ్లేషించారు. ఎమ్మెల్యేల బేరసారాలు, ఇతర పార్టీల నేతలను ప్రలోభపెట్టడం, కక్ష సాధింపు చర్యలు, అనాగరిక చర్చలను మానుకోవాలని సూచించారు. సోషల్ మీడియాలో రీల్స్ చేయడంపై కాకుండా, ప్రజా సమస్యల పరిష్కారంపై ముఖ్యమంత్రి విజయ్ దృష్టి సారించాలని హితవు పలికారు.
అసెంబ్లీ ఎన్నికలు జరిగిన ఐదు నెలలకే ఇద్దరు ఎమ్మెల్యేలు రాజీనామా చేసి అధికార పార్టీలో చేరడం వల్లే ఈ ఉపఎన్నికలు వచ్చాయని స్టాలిన్ ఆరోపించారు. దీనిని ఆయన "ప్రజాస్వామ్య హత్య"గా పేర్కొన్నారు. ధన బలం, అధికార దుర్వినియోగం, పోలీసు బలంతోనే టీవీకే గెలిచిందని విమర్శించారు. ముఖ్యమంత్రి విజయ్ కేవలం తన సినీ ఇమేజ్‌తో రాజకీయాలు చేస్తున్నారని, సొంతంగా మెజారిటీ సాధించలేక ఎమ్మెల్యేల బేరసారాలతో ముఖ్యమంత్రి పీఠాన్ని దక్కించుకున్నారని దుయ్యబట్టారు. విజయ్ ఈ రెండు నియోజకవర్గాల్లో నాలుగు రోజుల పాటు పర్యటించి, టీ దుకాణాలను సందర్శించడం, ట్రాక్టర్ నడపడం వంటివి చేయడంపై ఆయన ఎద్దేవా చేశారు.
అన్నాడీఎంకే ప్రధాన కార్యదర్శి ఎడప్పాడి కె. పళనిస్వామి కూడా టీవీకే విజయం తాత్కాలికమేనని వ్యాఖ్యానించారు. అధికార దుర్వినియోగం, విచ్చలవిడి డబ్బు పంపిణీతోనే వారు గెలిచారని ఆరోపించారు. తమ పార్టీ ఎమ్మెల్యేలతో బేరసారాలు సాగించి, మైనారిటీ ప్రభుత్వాన్ని మెజారిటీగా మార్చుకునే దురుద్దేశంతోనే టీవీకే ఈ ఉపఎన్నికలను కొనితెచ్చిందని విమర్శించారు.
