కాస్త అసౌకర్యంగా అనిపించినా.. మీ జీవితాన్ని మార్చగల 5 ప్రశ్నలు ఇవే!
- దేనిని వాయిదా వేస్తున్నారో ఆలోచించండి
- మీ నిర్ణయాలు మీ విలువలకు సరిపోతున్నాయా?
- జీవితంలో పదే పదే ఎదురయ్యే సమస్యలను గుర్తించండి
- దాచిపెడుతున్న భావోద్వేగాలను పరిశీలించండి
- ఐదేళ్ల తర్వాత జీవితం ఎలా ఉంటుందో ఊహించండి
రోజువారీ జీవితంలో మనం ఎన్నో ప్రశ్నలకు సమాధానాలు ఇస్తుంటాం. కుటుంబం, ఉద్యోగం, స్నేహితులు, సోషల్‌ మీడియా.. ఇలా ఇతరుల ప్రశ్నలకు స్పందిస్తూనే ఉంటాం. కానీ మన గురించి మనల్ని మనం కొన్ని ముఖ్యమైన ప్రశ్నలు అడగడం మాత్రం మరిచిపోతుంటాం. అలాంటి ప్రశ్నలకు సమాధానాలు వెతకడం అంత సులభం కాదు. కానీ అవి మన జీవితం ఎలా సాగుతోందో అర్థం చేసుకోవడానికి ఉపయోగపడతాయి. మరో ఏడాది కూడా తెలియకుండానే గడిచిపోకుండా ఉండాలంటే ఈ ఐదు ప్రశ్నలను మిమ్మల్ని మీరు అడగండి.
1. ప్రస్తుతం నేను దేని నుంచి తప్పించుకుంటున్నాను?
ఎప్పటినుంచో వాయిదా వేస్తున్న ఓ ముఖ్యమైన నిర్ణయం ఉండొచ్చు. ఎవరికైనా చెప్పాల్సిన మాట ఉండొచ్చు. ఉద్యోగం లేదా సంబంధంలో నచ్చని విషయం ఉండొచ్చు. దాన్ని ఎందుకు వాయిదా వేస్తున్నారో ఆలోచించండి. అసలు సమస్యను గుర్తించడం మార్పుకు తొలి అడుగు కావచ్చు.
2. నా విలువలకు అనుగుణంగానే జీవిస్తున్నానా?
ఇతరులు చెప్పిన విజయ నిర్వచనాన్ని మనం తెలియకుండానే అనుసరిస్తుంటాం. మంచి ఉద్యోగం, డబ్బు, సంబంధాలు.. ఇలా సమాజం చెప్పిన ప్రమాణాలే మన నిర్ణయాలను ప్రభావితం చేయొచ్చు. ఎవరూ నా నిర్ణయాలను పట్టించుకోకపోతే.. నేను ఇప్పుడు తీసుకుంటున్న నిర్ణయాలనే తీసుకుంటానా? అని ఆలోచించండి.
3. నా జీవితంలో పదే పదే ఏ పరిస్థితులు ఎదురవుతున్నాయి?
అదే రకమైన గొడవలు, ఉద్యోగంలో అవే సమస్యలు, ఒత్తిడిలో అవే ప్రతిస్పందనలు.. ఇలా కొన్ని విషయాలు మళ్లీ మళ్లీ జరుగుతున్నాయా? అయితే వాటి వెనుక ఉన్న అలవాటును గుర్తించే ప్రయత్నం చేయండి. మన ప్రవర్తనలోని కొన్ని ధోరణులను గుర్తిస్తే మార్పు ఎక్కడ మొదలుపెట్టాలో తెలుస్తుంది.
4. నేను ఏ భావోద్వేగాన్ని అణచిపెడుతున్నాను?
కోపం, బాధ, నిరాశ, అసూయ వంటి భావాలను చాలామంది బయటకు చెప్పకుండా లోపలే దాచుకుంటారు. కానీ వాటిని గుర్తించకుండా ఉండటం మన నిర్ణయాలపై ప్రభావం చూపొచ్చు. అందుకే మనలో ఉన్న కష్టమైన భావన ఏంటో ముందుగా అంగీకరించాలి.
5. మరో ఐదేళ్లు కూడా నా జీవితం ఇలాగే ఉంటే?
ఈ ప్రశ్న మన ప్రస్తుత జీవితాన్ని మరో కోణంలో చూసేలా చేస్తుంది. ఉద్యోగం, సంబంధాలు, రోజువారీ అలవాట్లు.. ఇవన్నీ మరో ఐదేళ్లు ఇలాగే కొనసాగితే ఎలా ఉంటుంది? అనే ఆలోచన భవిష్యత్తుపై స్పష్టత ఇవ్వొచ్చు.
ఈ ప్రశ్నలకు సరైన సమాధానం అంటూ ఏదీ ఉండదు. వాటి గురించి నిజాయతీగా ఆలోచించడమే ముఖ్యం. కొందరు తమ ఆలోచనలను రాసుకుంటారు. మరికొందరు ప్రశాంతంగా కాసేపు ఆలోచిస్తారు. అసౌకర్యంగా అనిపించినా.. ఇలాంటి ఆత్మపరిశీలన మన జీవితంలో ఏం మార్చుకోవాలో గుర్తించేందుకు ఉపయోగపడుతుంది.
1. ప్రస్తుతం నేను దేని నుంచి తప్పించుకుంటున్నాను?
ఎప్పటినుంచో వాయిదా వేస్తున్న ఓ ముఖ్యమైన నిర్ణయం ఉండొచ్చు. ఎవరికైనా చెప్పాల్సిన మాట ఉండొచ్చు. ఉద్యోగం లేదా సంబంధంలో నచ్చని విషయం ఉండొచ్చు. దాన్ని ఎందుకు వాయిదా వేస్తున్నారో ఆలోచించండి. అసలు సమస్యను గుర్తించడం మార్పుకు తొలి అడుగు కావచ్చు.
2. నా విలువలకు అనుగుణంగానే జీవిస్తున్నానా?
ఇతరులు చెప్పిన విజయ నిర్వచనాన్ని మనం తెలియకుండానే అనుసరిస్తుంటాం. మంచి ఉద్యోగం, డబ్బు, సంబంధాలు.. ఇలా సమాజం చెప్పిన ప్రమాణాలే మన నిర్ణయాలను ప్రభావితం చేయొచ్చు. ఎవరూ నా నిర్ణయాలను పట్టించుకోకపోతే.. నేను ఇప్పుడు తీసుకుంటున్న నిర్ణయాలనే తీసుకుంటానా? అని ఆలోచించండి.
3. నా జీవితంలో పదే పదే ఏ పరిస్థితులు ఎదురవుతున్నాయి?
అదే రకమైన గొడవలు, ఉద్యోగంలో అవే సమస్యలు, ఒత్తిడిలో అవే ప్రతిస్పందనలు.. ఇలా కొన్ని విషయాలు మళ్లీ మళ్లీ జరుగుతున్నాయా? అయితే వాటి వెనుక ఉన్న అలవాటును గుర్తించే ప్రయత్నం చేయండి. మన ప్రవర్తనలోని కొన్ని ధోరణులను గుర్తిస్తే మార్పు ఎక్కడ మొదలుపెట్టాలో తెలుస్తుంది.
4. నేను ఏ భావోద్వేగాన్ని అణచిపెడుతున్నాను?
కోపం, బాధ, నిరాశ, అసూయ వంటి భావాలను చాలామంది బయటకు చెప్పకుండా లోపలే దాచుకుంటారు. కానీ వాటిని గుర్తించకుండా ఉండటం మన నిర్ణయాలపై ప్రభావం చూపొచ్చు. అందుకే మనలో ఉన్న కష్టమైన భావన ఏంటో ముందుగా అంగీకరించాలి.
5. మరో ఐదేళ్లు కూడా నా జీవితం ఇలాగే ఉంటే?
ఈ ప్రశ్న మన ప్రస్తుత జీవితాన్ని మరో కోణంలో చూసేలా చేస్తుంది. ఉద్యోగం, సంబంధాలు, రోజువారీ అలవాట్లు.. ఇవన్నీ మరో ఐదేళ్లు ఇలాగే కొనసాగితే ఎలా ఉంటుంది? అనే ఆలోచన భవిష్యత్తుపై స్పష్టత ఇవ్వొచ్చు.
ఈ ప్రశ్నలకు సరైన సమాధానం అంటూ ఏదీ ఉండదు. వాటి గురించి నిజాయతీగా ఆలోచించడమే ముఖ్యం. కొందరు తమ ఆలోచనలను రాసుకుంటారు. మరికొందరు ప్రశాంతంగా కాసేపు ఆలోచిస్తారు. అసౌకర్యంగా అనిపించినా.. ఇలాంటి ఆత్మపరిశీలన మన జీవితంలో ఏం మార్చుకోవాలో గుర్తించేందుకు ఉపయోగపడుతుంది.
