అమెరికాకు ఇరాన్ వార్నింగ్.. ఈసారి ప్రభాస్ 'బాహుబలి' వీడియోతో!
- అమెరికాకు హెచ్చరికలు జారీ చేసేందుకు ఇరాన్ వినూత్న పంథా
- ఈసారి ప్రభాస్ బాహుబలి సినిమా క్లిప్ను వాడిన వైనం
- హైదరాబాద్లోని ఇరాన్ రాయబార కార్యాలయం పోస్ట్
- ఇటీవల బాలకృష్ణ 'భగవంత్ కేసరి' క్లిప్ను వాడిన ఇరాన్
అమెరికాకు శక్తివంతమైన హెచ్చరికలు జారీ చేసేందుకు ఇరాన్ మరోసారి తెలుగు సినిమాను వేదికగా ఎంచుకుంది. ఇటీవలే నందమూరి బాలకృష్ణ నటించిన 'భగవంత్ కేసరి' చిత్రంలోని క్లిప్ను ఉపయోగించిన ఇరాన్, తాజాగా ప్రభాస్ కథానాయకుడిగా నటించిన 'బాహుబలి' చిత్రంలోని ఒక యాక్షన్ దృశ్యంతో అమెరికాకు తమ సందేశాన్ని పంపింది.
హైదరాబాద్లోని ఇరాన్ కాన్సులేట్ కార్యాలయం సోషల్ మీడియా వేదికగా 'బాహుబలి' చిత్రంలోని ఓ వీడియో క్లిప్ను పోస్ట్ చేసింది. బాహుబలి కాలకేయ సైన్యంతో వీరోచితంగా పోరాడే సన్నివేశాన్ని పంచుకుంటూ తమ దేశ వైఖరిని స్పష్టం చేసింది. "మేము ఎవరికీ తలవంచబోమని మా అధ్యక్షుడు పెజెష్కియాన్ ఐక్యరాజ్యసమితి సమావేశంలో ఇప్పటికే స్పష్టం చేశారు. బాహుబలి కాలకేయులను ఎదిరించినట్లే, మేము కూడా మా మాతృభూమి రక్షణ కోసం రక్తం చిందించడానికైనా, ప్రాణత్యాగానికైనా సిద్ధంగా ఉన్నాం" అని ఇరాన్ ఎంబసీ ఆ పోస్టులో పేర్కొంది.
కొద్ది రోజుల క్రితం జింబాబ్వేలోని ఇరాన్ రాయబార కార్యాలయం కూడా 'భగవంత్ కేసరి' సినిమాలోని ఒక పోరాట సన్నివేశాన్ని షేర్ చేస్తూ అమెరికాకు పరోక్షంగా హెచ్చరికలు పంపడం గమనార్హం. ఇలా వరుసగా తమ దౌత్యపరమైన హెచ్చరికలకు తెలుగు సినిమాల్లోని శక్తివంతమైన యాక్షన్ సన్నివేశాలను ఉపయోగించుకోవడం ఇప్పుడు అంతర్జాతీయంగా, ముఖ్యంగా తెలుగు రాష్ట్రాల్లో ఆసక్తికర చర్చకు దారితీసింది.
హైదరాబాద్లోని ఇరాన్ కాన్సులేట్ కార్యాలయం సోషల్ మీడియా వేదికగా 'బాహుబలి' చిత్రంలోని ఓ వీడియో క్లిప్ను పోస్ట్ చేసింది. బాహుబలి కాలకేయ సైన్యంతో వీరోచితంగా పోరాడే సన్నివేశాన్ని పంచుకుంటూ తమ దేశ వైఖరిని స్పష్టం చేసింది. "మేము ఎవరికీ తలవంచబోమని మా అధ్యక్షుడు పెజెష్కియాన్ ఐక్యరాజ్యసమితి సమావేశంలో ఇప్పటికే స్పష్టం చేశారు. బాహుబలి కాలకేయులను ఎదిరించినట్లే, మేము కూడా మా మాతృభూమి రక్షణ కోసం రక్తం చిందించడానికైనా, ప్రాణత్యాగానికైనా సిద్ధంగా ఉన్నాం" అని ఇరాన్ ఎంబసీ ఆ పోస్టులో పేర్కొంది.
కొద్ది రోజుల క్రితం జింబాబ్వేలోని ఇరాన్ రాయబార కార్యాలయం కూడా 'భగవంత్ కేసరి' సినిమాలోని ఒక పోరాట సన్నివేశాన్ని షేర్ చేస్తూ అమెరికాకు పరోక్షంగా హెచ్చరికలు పంపడం గమనార్హం. ఇలా వరుసగా తమ దౌత్యపరమైన హెచ్చరికలకు తెలుగు సినిమాల్లోని శక్తివంతమైన యాక్షన్ సన్నివేశాలను ఉపయోగించుకోవడం ఇప్పుడు అంతర్జాతీయంగా, ముఖ్యంగా తెలుగు రాష్ట్రాల్లో ఆసక్తికర చర్చకు దారితీసింది.
