రోబ్లాక్స్ గేమ్ వ్యసనం.. రూ.42,000 ఖర్చుచేసిన 8వ తరగతి విద్యార్థి!
- చదువుకుంటానని తండ్రి ఫోన్ తీసుకున్న 8వ తరగతి విద్యార్థి
- రోబ్లాక్స్ గేమ్పై ఏకంగా రూ.42,000 ఖర్చు
- స్కూల్ ఫీజు, లోన్ డబ్బులు కావడంతో కుటుంబం ఆందోళన
- డబ్బు తిరిగి పొందేందుకు సోషల్ మీడియాలో సహాయం కోరిన సోదరుడు
- బ్యాంకును సంప్రదించాలని సూచించిన నెటిజన్లు
ఆన్లైన్ గేమ్లకు బానిసైన ఒక విద్యార్థి తన తండ్రి బ్యాంకు ఖాతా నుంచి ఏకంగా రూ. 42,000 ఖర్చు చేయడం తీవ్ర కలకలం రేపింది. చదువుకోవాలనే నెపంతో తండ్రి మొబైల్ ఫోన్ తీసుకున్న ఎనిమిదో తరగతి బాలుడు, ఆ డబ్బుతో 'రోబ్లాక్స్' అనే గేమ్లో వర్చువల్ కరెన్సీని కొనుగోలు చేశాడు. ఈ విషయాన్ని గుర్తించిన అతని సోదరుడు, తమ కుటుంబం ఎదుర్కొంటున్న ఆర్థిక ఇబ్బందులను వివరిస్తూ సోషల్ మీడియా వేదికగా సహాయం కోసం అర్థించాడు.
8వ తరగతి చదువుతున్న బాలుడు, చదువుకోవాలనే నెపంతో తండ్రి ఫోన్ తీసుకున్నాడు. కానీ, దానిలో రోబ్లాక్స్ గేమ్ ఆడుతూ, అందులోని 'రోబక్స్' అనే వర్చువల్ కరెన్సీ కోసం తండ్రి ఖాతా నుంచి రూ.42,000 ఖర్చు చేశాడు. ఈ విషయాన్ని గమనించిన అతని అన్నయ్య తీవ్ర దిగ్భ్రాంతికి లోనయ్యాడు. ఆ బాలుడు అప్పటికే కొనుగోలు చేసిన వర్చువల్ కరెన్సీని దాదాపుగా వాడేశాడని, ప్రస్తుతం అతని ఖాతాలో కేవలం 100 రోబక్స్ మాత్రమే మిగిలి ఉన్నాయని సోదరుడు వివరించాడు.
"మేము ప్రస్తుతం తీవ్రమైన ఆర్థిక ఇబ్బందుల్లో ఉన్నాం. పాఠశాల ఫీజులు, రుణ వాయిదాల చెల్లింపుల కోసం ఆ డబ్బు మాకు ఎంతో అవసరం. దయచేసి ఎవరైనా ఆ డబ్బును తిరిగి పొందే మార్గం చెప్పండి" అని అతను సోషల్ మీడియాలో తన ఆవేదనను వ్యక్తం చేశాడు. ఈ పోస్ట్ నెట్టింట వైరల్ కావడంతో పలువురు నెటిజన్లు స్పందిస్తున్నారు. వెంటనే బ్యాంకు అధికారులను సంప్రదించి, సదరు లావాదేవీలపై ఫిర్యాదు చేయాలని సూచించారు. అదేవిధంగా, రోబ్లాక్స్ సపోర్ట్ టీమ్కు ఫిర్యాదు చేస్తే నగదు వాపస్ వచ్చే అవకాశం ఉందని, అయితే అలా చేస్తే బాలుడి గేమ్ అకౌంట్ నిషేధానికి గురయ్యే ప్రమాదం ఉందని కొందరు అభిప్రాయపడ్డారు.
8వ తరగతి చదువుతున్న బాలుడు, చదువుకోవాలనే నెపంతో తండ్రి ఫోన్ తీసుకున్నాడు. కానీ, దానిలో రోబ్లాక్స్ గేమ్ ఆడుతూ, అందులోని 'రోబక్స్' అనే వర్చువల్ కరెన్సీ కోసం తండ్రి ఖాతా నుంచి రూ.42,000 ఖర్చు చేశాడు. ఈ విషయాన్ని గమనించిన అతని అన్నయ్య తీవ్ర దిగ్భ్రాంతికి లోనయ్యాడు. ఆ బాలుడు అప్పటికే కొనుగోలు చేసిన వర్చువల్ కరెన్సీని దాదాపుగా వాడేశాడని, ప్రస్తుతం అతని ఖాతాలో కేవలం 100 రోబక్స్ మాత్రమే మిగిలి ఉన్నాయని సోదరుడు వివరించాడు.
"మేము ప్రస్తుతం తీవ్రమైన ఆర్థిక ఇబ్బందుల్లో ఉన్నాం. పాఠశాల ఫీజులు, రుణ వాయిదాల చెల్లింపుల కోసం ఆ డబ్బు మాకు ఎంతో అవసరం. దయచేసి ఎవరైనా ఆ డబ్బును తిరిగి పొందే మార్గం చెప్పండి" అని అతను సోషల్ మీడియాలో తన ఆవేదనను వ్యక్తం చేశాడు. ఈ పోస్ట్ నెట్టింట వైరల్ కావడంతో పలువురు నెటిజన్లు స్పందిస్తున్నారు. వెంటనే బ్యాంకు అధికారులను సంప్రదించి, సదరు లావాదేవీలపై ఫిర్యాదు చేయాలని సూచించారు. అదేవిధంగా, రోబ్లాక్స్ సపోర్ట్ టీమ్కు ఫిర్యాదు చేస్తే నగదు వాపస్ వచ్చే అవకాశం ఉందని, అయితే అలా చేస్తే బాలుడి గేమ్ అకౌంట్ నిషేధానికి గురయ్యే ప్రమాదం ఉందని కొందరు అభిప్రాయపడ్డారు.
