దాదాసాహెబ్ ఫాల్కే అవార్డును సొంతం చేసుకున్న దర్శకుడు సుకుమార్ కుమార్తె

టాలీవుడ్ లో అగ్రదర్శకుల్లో ఒకరైన సుకుమార్ కూతురు సుకృతి వేణి దాదా సాహెబ్ ఫాల్కే అవార్డును సాధించింది. ఉత్తమ బాలనటిగా ఈ ఘనతను సాధించింది. 'గాంధీతాత చెట్టు' చిత్రంలో ఆమె ప్రధాన పాత్రను పోషించింది. ఈ చిత్రంలో ఉత్తమ నటనకు గాను ఉత్తమ బాలనటి అవార్డును అందజేశారు. ఢిల్లీలో జరిగిన అవార్డుల ప్రదానోత్సవ కార్యక్రమంలో సుకృతికి అవార్డును అందజేశారు. 

ఇంటర్నేషనల్ స్కూల్ ఆఫ్ హైదరాబాద్ లో సుకృతి 8వ తరగతి చదువుతోంది. సుకృతి నటించిన ఈ చిత్రం పలు ఇంటర్నేషనల్ ఫిల్మ్ ఫెస్టివల్స్ లో ప్రదర్శింపబడింది. ఈ చిత్రానికి పలు అవార్డులు వచ్చాయి. ఉత్తమ తొలి సినిమా బాలనటిగా దుబాయ్ ఇంటర్నేషనల్ ఫిల్మ్ ఫెస్టివల్, ఇండియన్ ఇంటర్నేషనల్ ఫిల్మ్ ఫెస్టివల్ అవార్డులను సుకృతి గెలుచుకుంది.