మనాలీలో ‘ఏజెంట్’ యాక్షన్ స్టంట్స్

అఖిల్ అక్కినేని నటిస్తున్న తాజా చిత్రం ఏజెంట్. ఈ సినిమా షూటింగ్ శరవేగంగా సాగుతోంది. తాజా షెడ్యూల్ ను మనాలీలో ప్లాన్ చేసింది చిత్ర బృందం. ఈ నేపథ్యంలోనే ఇప్పటికే మనాలీలో అఖిల్ సహా చిత్ర యూనిట్ మనాలీలో ల్యాండ్ అయింది. ఆ విషయాన్ని డైరెక్టర్ సురేందర్ రెడ్డి ట్విట్టర్ లో వెల్లడించారు. 

ఈసారి హిట్ కొట్టేందుకు శ్రమిస్తున్నామని కామెంట్ చేశాడు. మనాలీలో భయపెట్టించే యాక్షన్ ఎపిసోడ్స్ ను శరవేగంగా షూట్ చేస్తున్నామని వెల్లడించాడు. సినిమాను ఆగస్టు 12న విడుదల చేసేందుకు సన్నాహాలు చేస్తున్నారు. 

ఈ సినిమాలో మమ్ముట్టి ఓ కీలక పాత్ర పోషిస్తున్నారు. హిప్ హాప్ తమిళ సంగీతం సమకూరుస్తున్నాడు. అనిల్ సుంకరతో కలిసి ఏకే ఎంటర్ టైన్మెంట్స్ సినిమాను నిర్మిస్తోంది.