ఐడీబీఐ బ్యాంకులో వాటాల విక్రయం.. కేంద్రం షేర్‌ కెనడా కంపెనీ చేతికి!
- ఐడీబీఐ బ్యాంకు వాటా విక్రయానికి కేంద్రం ఆమోదం
- 60.72 శాతం వాటా కొనుగోలు చేయనున్న ఫెయిర్‌ఫాక్స్‌
- ఒప్పంద విలువ రూ.52,878 కోట్లు
- ఒక్కో షేరుకు రూ.81 చొప్పున బిడ్‌
- ఆర్‌బీఐ అనుమతి కీలకం
- ప్రస్తుత ఆర్థిక సంవత్సరం ముగిసేలోగా ఒప్పందం పూర్తి చేసే లక్ష్యం
ఐడీబీఐ బ్యాంకు ప్రైవేటీకరణ దిశగా కేంద్ర ప్రభుత్వం కీలక ముందడుగు వేసింది. బ్యాంకులో 60.72 శాతం వాటాను రూ.52,878 కోట్లకు కెనడాకు చెందిన ఫెయిర్‌ఫాక్స్‌ ఫైనాన్షియల్‌ హోల్డింగ్స్‌ అనుబంధ సంస్థ ‘10955230 కెనడా ఇంక్‌’కు విక్రయించేందుకు కేంద్ర మంత్రివర్గం బుధవారం ఆమోదం తెలిపింది. ఈ ఒప్పందం పూర్తయితే ఎయిరిండియా విక్రయం తర్వాత దేశంలోనే అతిపెద్ద వ్యూహాత్మక పెట్టుబడుల ఉపసంహరణగా నిలవనుంది.
ఐడీబీఐ బ్యాంకులో కేంద్ర ప్రభుత్వానికి ఉన్న 30.48 శాతం వాటా, లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా (ఎల్‌ఐసీ)కి ఉన్న 30.24 శాతం వాటా కలిపి మొత్తం 60.72 శాతాన్ని ఫెయిర్‌ఫాక్స్‌ కొనుగోలు చేయనుంది. ఒక్కో షేరుకు రూ.81 చొప్పున ఈ బిడ్‌ దక్కించుకుంది. మొత్తం కొనుగోలు విలువ రూ.52,877.07 కోట్లుగా ప్రభుత్వం అధికారిక ప్రకటనలో వెల్లడించింది.
ఈ ఒప్పందం పూర్తయితే భారత ఆర్థిక రంగంలో ఇప్పటివరకు జరిగిన అతిపెద్ద విదేశీ ప్రత్యక్ష పెట్టుబడి (ఎఫ్‌డీఐ)గా నిలుస్తుందని కేంద్రం పేర్కొంది.
యాజమాన్య నియంత్రణ ఫెయిర్‌ఫాక్స్‌ చేతికి
ఐడీబీఐ బ్యాంకులో యాజమాన్య నియంత్రణను ప్రైవేటు సంస్థకు బదిలీ చేయాలన్న కేంద్ర ప్రభుత్వ దీర్ఘకాలిక ప్రణాళిక ఈ నిర్ణయంతో ముందుకు సాగనుంది. అయితే, ఈ లావాదేవీ పూర్తవడానికి రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) అనుమతి కీలకం కానుంది. బ్యాంకును సొంతం చేసుకుని నిర్వహించేందుకు ఫెయిర్‌ఫాక్స్‌ అర్హతలను ఆర్‌బీఐ పరిశీలించనుంది. ఇందులో భాగంగా సంస్థపై ‘ఫిట్‌ అండ్‌ ప్రాపర్‌’ అంచనా వేయనుంది.
ఫెయిర్‌ఫాక్స్‌కు ఇప్పటికే సీఎస్‌బీ బ్యాంకులో వాటా ఉంది. నిబంధనల ప్రకారం ఐడీబీఐ బ్యాంకు కొనుగోలు పూర్తయిన రెండేళ్లలోగా సీఎస్‌బీ బ్యాంకును ఐడీబీఐలో విలీనం చేయాలి లేదా సీఎస్‌బీ బ్యాంకులో తన వాటాను విక్రయించి బయటకు రావాలి. అలాగే ఐడీబీఐ బ్యాంకులోని మైనారిటీ వాటాదారుల కోసం ఫెయిర్‌ఫాక్స్‌ ఓపెన్‌ ఆఫర్‌ కూడా ప్రకటించాల్సి ఉంటుంది.
కేంద్రం, ఎల్‌ఐసీ వాటాలూ కొనసాగింపు
ఈ ఒప్పందం తర్వాత కూడా కేంద్ర ప్రభుత్వం, ఎల్‌ఐసీ ఐడీబీఐ బ్యాంకులో కొంత వాటాను కొనసాగించనున్నాయి. రాబోయే రెండేళ్లలో ఎల్‌ఐసీ వాటా 19 శాతం నుంచి 15 శాతానికి తగ్గే అవకాశం ఉంది. కేంద్ర ప్రభుత్వ మిగిలిన వాటాను బహిరంగ మార్కెట్‌ ద్వారా విక్రయించనున్నారు.
ఈ లావాదేవీని వ్యూహాత్మక పెట్టుబడుల ఉపసంహరణగా కాకుండా ‘వ్యూహాత్మక పునర్వ్యవస్థీకరణ’గా పరిగణించాలని కేంద్ర ఆర్థిక మంత్రి నిర్మలా సీతారామన్‌ అభివర్ణించారు. బ్యాంకులో కేంద్రం, ఎల్‌ఐసీ వాటాలు కొనసాగుతాయని స్పష్టం చేశారు.
ప్రస్తుత ఆర్థిక సంవత్సరం ముగిసేలోగా ఈ ఒప్పందాన్ని పూర్తి చేయనున్నట్లు పెట్టుబడులు, ప్రభుత్వ ఆస్తుల నిర్వహణ విభాగం (దీపం) కార్యదర్శి అరుణీష్‌ చావ్లా పీటీఐ వార్తా సంస్థకు తెలిపారు.
ఐడీబీఐ బ్యాంకులో కేంద్ర ప్రభుత్వానికి ఉన్న 30.48 శాతం వాటా, లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా (ఎల్‌ఐసీ)కి ఉన్న 30.24 శాతం వాటా కలిపి మొత్తం 60.72 శాతాన్ని ఫెయిర్‌ఫాక్స్‌ కొనుగోలు చేయనుంది. ఒక్కో షేరుకు రూ.81 చొప్పున ఈ బిడ్‌ దక్కించుకుంది. మొత్తం కొనుగోలు విలువ రూ.52,877.07 కోట్లుగా ప్రభుత్వం అధికారిక ప్రకటనలో వెల్లడించింది.
ఈ ఒప్పందం పూర్తయితే భారత ఆర్థిక రంగంలో ఇప్పటివరకు జరిగిన అతిపెద్ద విదేశీ ప్రత్యక్ష పెట్టుబడి (ఎఫ్‌డీఐ)గా నిలుస్తుందని కేంద్రం పేర్కొంది.
యాజమాన్య నియంత్రణ ఫెయిర్‌ఫాక్స్‌ చేతికి
ఐడీబీఐ బ్యాంకులో యాజమాన్య నియంత్రణను ప్రైవేటు సంస్థకు బదిలీ చేయాలన్న కేంద్ర ప్రభుత్వ దీర్ఘకాలిక ప్రణాళిక ఈ నిర్ణయంతో ముందుకు సాగనుంది. అయితే, ఈ లావాదేవీ పూర్తవడానికి రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) అనుమతి కీలకం కానుంది. బ్యాంకును సొంతం చేసుకుని నిర్వహించేందుకు ఫెయిర్‌ఫాక్స్‌ అర్హతలను ఆర్‌బీఐ పరిశీలించనుంది. ఇందులో భాగంగా సంస్థపై ‘ఫిట్‌ అండ్‌ ప్రాపర్‌’ అంచనా వేయనుంది.
ఫెయిర్‌ఫాక్స్‌కు ఇప్పటికే సీఎస్‌బీ బ్యాంకులో వాటా ఉంది. నిబంధనల ప్రకారం ఐడీబీఐ బ్యాంకు కొనుగోలు పూర్తయిన రెండేళ్లలోగా సీఎస్‌బీ బ్యాంకును ఐడీబీఐలో విలీనం చేయాలి లేదా సీఎస్‌బీ బ్యాంకులో తన వాటాను విక్రయించి బయటకు రావాలి. అలాగే ఐడీబీఐ బ్యాంకులోని మైనారిటీ వాటాదారుల కోసం ఫెయిర్‌ఫాక్స్‌ ఓపెన్‌ ఆఫర్‌ కూడా ప్రకటించాల్సి ఉంటుంది.
కేంద్రం, ఎల్‌ఐసీ వాటాలూ కొనసాగింపు
ఈ ఒప్పందం తర్వాత కూడా కేంద్ర ప్రభుత్వం, ఎల్‌ఐసీ ఐడీబీఐ బ్యాంకులో కొంత వాటాను కొనసాగించనున్నాయి. రాబోయే రెండేళ్లలో ఎల్‌ఐసీ వాటా 19 శాతం నుంచి 15 శాతానికి తగ్గే అవకాశం ఉంది. కేంద్ర ప్రభుత్వ మిగిలిన వాటాను బహిరంగ మార్కెట్‌ ద్వారా విక్రయించనున్నారు.
ఈ లావాదేవీని వ్యూహాత్మక పెట్టుబడుల ఉపసంహరణగా కాకుండా ‘వ్యూహాత్మక పునర్వ్యవస్థీకరణ’గా పరిగణించాలని కేంద్ర ఆర్థిక మంత్రి నిర్మలా సీతారామన్‌ అభివర్ణించారు. బ్యాంకులో కేంద్రం, ఎల్‌ఐసీ వాటాలు కొనసాగుతాయని స్పష్టం చేశారు.
ప్రస్తుత ఆర్థిక సంవత్సరం ముగిసేలోగా ఈ ఒప్పందాన్ని పూర్తి చేయనున్నట్లు పెట్టుబడులు, ప్రభుత్వ ఆస్తుల నిర్వహణ విభాగం (దీపం) కార్యదర్శి అరుణీష్‌ చావ్లా పీటీఐ వార్తా సంస్థకు తెలిపారు.
