101 ఏళ్ల వయసులోనూ కోకాకోలా, స్ప్రైట్‌ తాగుతాడు.. ఈ చైనా వృద్ధుడి అలవాట్లు తెలిస్తే ఆశ్చర్యపోతారు!
- చైనాకు చెందిన లు షిజెంగ్‌ వయసు 101 ఏళ్లు
- కోకాకోలా, స్ప్రైట్‌ తాగడం ఇప్పటికీ ఆయనకు ఇష్టం
- చేపలు, రొయ్యలు, పీతలను తరచూ తినే అలవాటు
- సాయంత్రం 5 గంటలకే రాత్రి భోజనం పూర్తి
- రాత్రి 8 గంటలకు నిద్రపోయి ఉదయం 4 గంటలకు మెలకువ
వందేళ్లు దాటినా ఆరోగ్యంగా జీవించాలని చాలామంది కోరుకుంటారు. అందుకోసం ఆహార నియమాలు పాటిస్తారు. చక్కెరకు దూరంగా ఉంటారు. వ్యాయామం, నిద్రకు ప్రాధాన్యమిస్తారు. కానీ చైనాకు చెందిన 101 ఏళ్ల లు షిజెంగ్‌ అలవాట్లు మాత్రం ఇందుకు భిన్నంగా ఉన్నాయి. ఆయనకు కోకాకోలా, స్ప్రైట్‌ వంటి శీతల పానీయాలంటే ఎంతో ఇష్టం. సీ ఫుడ్‌ తరచూ తింటారు. అయినా తన వయసుకు తగ్గట్టుగా ఆరోగ్యంగా ఉండటంతో ఆయన జీవనశైలి ఇప్పుడు సోషల్‌ మీడియాలో చర్చనీయాంశంగా మారింది.
సౌత్‌ చైనా మార్నింగ్‌ పోస్ట్‌ కథనం ప్రకారం.. చైనాలోని జెజియాంగ్‌ ప్రావిన్స్‌లో నివసించే లు షిజెంగ్‌ ఆహార విషయంలో ప్రత్యేక శ్రద్ధ తీసుకుంటారు. గ్రామీణ ప్రాంతంలో ఉండే ఆయన ప్రతి ఐదు రోజులకు ఒకసారి స్థానిక మార్కెట్‌కు వెళ్లి తాజా చేపలు, రొయ్యలు, పీతలు కొనుగోలు చేస్తారు. పంది మాంసం, కూరగాయలూ తీసుకొస్తారు. గత ఏడాది వరకు ఈ ప్రయాణాన్ని స్వయంగా ట్రైసైకిల్‌పై చేసేవారు. అయితే, ఓసారి కిందపడటంతో కుటుంబ సభ్యులు ఆ వాహనం నడపవద్దని సూచించారు.
పీతలంటే ఇష్టం.. శీతల పానీయాలూ ఇష్టమే!
లు షిజెంగ్‌ తన పొదుపులో గణనీయమైన మొత్తాన్ని ఆహారం కోసం ఖర్చు చేస్తారు. ఆయన ఇద్దరు కుమారులు సంరక్షణ కోసం ఓ సహాయకురాలిని ఏర్పాటు చేశారు. ఆయనకు మంచి ఆకలి ఉంటుందని ఆమె చెబుతున్నారు. ఒక పూట భోజనంలో సగం గిన్నె అన్నంతో పాటు పళ్లెం నిండా పీతలను తినగలరని వెల్లడించారు.
ఆయన ఇంట్లోని ఫ్రిజ్‌లో కోకాకోలా, స్ప్రైట్‌ ఎప్పుడూ ఉంటాయి. ఈ రెండింటినీ ఇష్టంగా తాగే ఆయనకు చల్లటి స్ప్రైట్‌లో కొన్ని చుక్కల వైట్‌ వైన్‌ కలిపి తాగడం మరింత ఇష్టం. పుచ్చకాయ, పియర్‌, మాండరిన్‌ వంటి తీపి పండ్లనూ ఇష్టంగా తింటారు.
రాత్రి 8 గంటలకే నిద్ర.. ఉదయం 4 గంటలకు మెలకువ
లు షిజెంగ్‌ రోజువారీ జీవనశైలిలో నిద్రకు ప్రత్యేక స్థానం ఉంది. సాయంత్రం 5 గంటలకల్లా రాత్రి భోజనం ముగిస్తారు. రాత్రి 8 గంటల సమయంలో నిద్రకు ఉపక్రమిస్తారు. తెల్లవారుజామున 4 గంటలకే మెలకువ వస్తుంది. అయితే, మరో రెండు గంటలపాటు మంచంపైనే ఉంటూ శరీరాన్ని సాగదీస్తూ విశ్రాంతి తీసుకుంటారు. ఉదయం 6 గంటలకు మంచం దిగుతారు. మధ్యాహ్నం కాసేపు నిద్రపోవడం కూడా ఆయన దినచర్యలో భాగమే.
తన ఆరోగ్యం పట్ల ఆయన సంతృప్తిగా ఉన్నారు. గత ఏడాది జరిగిన ప్రమాదం నుంచి బాగానే కోలుకున్నానని చెబుతున్నారు. చిన్ననాటి జ్ఞాపకాలను గుర్తుచేసుకునేంత చురుకుగా తన మనసు ఉందని పేర్కొన్నారు. జలుబు కూడా చాలా అరుదుగా వస్తుందని, రక్తపోటు తక్కువ స్థాయిలో ఉంటుందని తెలిపారు.
వందేళ్లు దాటితే నెలకు రూ.10 వేలకుపైగా!
లు షిజెంగ్‌కు పించను కూడా లభిస్తోంది. జెజియాంగ్‌ ప్రావిన్స్‌లో 100 ఏళ్లు దాటినవారికి నెలకు 800 యువాన్లు (సుమారు 120 అమెరికన్‌ డాలర్లు) అందిస్తారు. 90 నుంచి 99 ఏళ్ల మధ్య వయసున్నవారికి నెలకు 100 యువాన్లు ఇస్తారు.
ఆయన ఆహారపు అలవాట్లు, నిద్ర వేళలపై సోషల్‌ మీడియాలో ఆసక్తికర చర్చ జరుగుతోంది. కోకాకోలా తాగుతూ 101 ఏళ్లు బతకడం ఆరోగ్య నిపుణులకు నచ్చకపోవచ్చని ఓ నెటిజన్‌ సరదాగా వ్యాఖ్యానించారు. మరికొందరు ఆయన సంతోషంగా ఉండటం, క్రమబద్ధమైన నిద్ర అలవాట్లే దీర్ఘాయుష్షుకు కారణమై ఉండొచ్చని అభిప్రాయపడ్డారు. ఇంకొందరు మాత్రం ప్రతి ఒక్కరి శరీరతత్వం భిన్నంగా ఉంటుందని, ఒక్క అలవాటుతోనే దీర్ఘాయుష్షును వివరించలేమని పేర్కొన్నారు.
కోకాకోలా తాగితే ఎక్కువ కాలం బతుకుతారా?
లు షిజెంగ్‌ కథ ఆసక్తికరంగా ఉన్నప్పటికీ, ఆయన శీతల పానీయాలు తాగడం వల్లే ఇంతకాలం జీవిస్తున్నారని చెప్పడానికి ఆధారాలు లేవు. చక్కెర ఎక్కువగా ఉండే శీతల పానీయాలను అధికంగా తీసుకోవడం ఆరోగ్యానికి హానికరమని డాక్టర్లు చెబుతున్నారు. ఆయన వ్యక్తిగత అనుభవాన్ని అందరికీ వర్తించే ఆరోగ్య సూత్రంగా భావించకూడదు. ఆయన జీవనశైలిలో సముద్ర ఆహారం, నిద్ర వేళలు, వ్యక్తిగత శరీరతత్వం వంటి అనేక అంశాలు ఉండొచ్చు. వందేళ్లు దాటినా చురుగ్గా జీవిస్తున్న ఆయన మాత్రం ఇప్పుడు నెటిజన్ల ఆసక్తిని ఆకర్షిస్తున్నారు.
సౌత్‌ చైనా మార్నింగ్‌ పోస్ట్‌ కథనం ప్రకారం.. చైనాలోని జెజియాంగ్‌ ప్రావిన్స్‌లో నివసించే లు షిజెంగ్‌ ఆహార విషయంలో ప్రత్యేక శ్రద్ధ తీసుకుంటారు. గ్రామీణ ప్రాంతంలో ఉండే ఆయన ప్రతి ఐదు రోజులకు ఒకసారి స్థానిక మార్కెట్‌కు వెళ్లి తాజా చేపలు, రొయ్యలు, పీతలు కొనుగోలు చేస్తారు. పంది మాంసం, కూరగాయలూ తీసుకొస్తారు. గత ఏడాది వరకు ఈ ప్రయాణాన్ని స్వయంగా ట్రైసైకిల్‌పై చేసేవారు. అయితే, ఓసారి కిందపడటంతో కుటుంబ సభ్యులు ఆ వాహనం నడపవద్దని సూచించారు.
పీతలంటే ఇష్టం.. శీతల పానీయాలూ ఇష్టమే!
లు షిజెంగ్‌ తన పొదుపులో గణనీయమైన మొత్తాన్ని ఆహారం కోసం ఖర్చు చేస్తారు. ఆయన ఇద్దరు కుమారులు సంరక్షణ కోసం ఓ సహాయకురాలిని ఏర్పాటు చేశారు. ఆయనకు మంచి ఆకలి ఉంటుందని ఆమె చెబుతున్నారు. ఒక పూట భోజనంలో సగం గిన్నె అన్నంతో పాటు పళ్లెం నిండా పీతలను తినగలరని వెల్లడించారు.
ఆయన ఇంట్లోని ఫ్రిజ్‌లో కోకాకోలా, స్ప్రైట్‌ ఎప్పుడూ ఉంటాయి. ఈ రెండింటినీ ఇష్టంగా తాగే ఆయనకు చల్లటి స్ప్రైట్‌లో కొన్ని చుక్కల వైట్‌ వైన్‌ కలిపి తాగడం మరింత ఇష్టం. పుచ్చకాయ, పియర్‌, మాండరిన్‌ వంటి తీపి పండ్లనూ ఇష్టంగా తింటారు.
రాత్రి 8 గంటలకే నిద్ర.. ఉదయం 4 గంటలకు మెలకువ
లు షిజెంగ్‌ రోజువారీ జీవనశైలిలో నిద్రకు ప్రత్యేక స్థానం ఉంది. సాయంత్రం 5 గంటలకల్లా రాత్రి భోజనం ముగిస్తారు. రాత్రి 8 గంటల సమయంలో నిద్రకు ఉపక్రమిస్తారు. తెల్లవారుజామున 4 గంటలకే మెలకువ వస్తుంది. అయితే, మరో రెండు గంటలపాటు మంచంపైనే ఉంటూ శరీరాన్ని సాగదీస్తూ విశ్రాంతి తీసుకుంటారు. ఉదయం 6 గంటలకు మంచం దిగుతారు. మధ్యాహ్నం కాసేపు నిద్రపోవడం కూడా ఆయన దినచర్యలో భాగమే.
తన ఆరోగ్యం పట్ల ఆయన సంతృప్తిగా ఉన్నారు. గత ఏడాది జరిగిన ప్రమాదం నుంచి బాగానే కోలుకున్నానని చెబుతున్నారు. చిన్ననాటి జ్ఞాపకాలను గుర్తుచేసుకునేంత చురుకుగా తన మనసు ఉందని పేర్కొన్నారు. జలుబు కూడా చాలా అరుదుగా వస్తుందని, రక్తపోటు తక్కువ స్థాయిలో ఉంటుందని తెలిపారు.
వందేళ్లు దాటితే నెలకు రూ.10 వేలకుపైగా!
లు షిజెంగ్‌కు పించను కూడా లభిస్తోంది. జెజియాంగ్‌ ప్రావిన్స్‌లో 100 ఏళ్లు దాటినవారికి నెలకు 800 యువాన్లు (సుమారు 120 అమెరికన్‌ డాలర్లు) అందిస్తారు. 90 నుంచి 99 ఏళ్ల మధ్య వయసున్నవారికి నెలకు 100 యువాన్లు ఇస్తారు.
ఆయన ఆహారపు అలవాట్లు, నిద్ర వేళలపై సోషల్‌ మీడియాలో ఆసక్తికర చర్చ జరుగుతోంది. కోకాకోలా తాగుతూ 101 ఏళ్లు బతకడం ఆరోగ్య నిపుణులకు నచ్చకపోవచ్చని ఓ నెటిజన్‌ సరదాగా వ్యాఖ్యానించారు. మరికొందరు ఆయన సంతోషంగా ఉండటం, క్రమబద్ధమైన నిద్ర అలవాట్లే దీర్ఘాయుష్షుకు కారణమై ఉండొచ్చని అభిప్రాయపడ్డారు. ఇంకొందరు మాత్రం ప్రతి ఒక్కరి శరీరతత్వం భిన్నంగా ఉంటుందని, ఒక్క అలవాటుతోనే దీర్ఘాయుష్షును వివరించలేమని పేర్కొన్నారు.
కోకాకోలా తాగితే ఎక్కువ కాలం బతుకుతారా?
లు షిజెంగ్‌ కథ ఆసక్తికరంగా ఉన్నప్పటికీ, ఆయన శీతల పానీయాలు తాగడం వల్లే ఇంతకాలం జీవిస్తున్నారని చెప్పడానికి ఆధారాలు లేవు. చక్కెర ఎక్కువగా ఉండే శీతల పానీయాలను అధికంగా తీసుకోవడం ఆరోగ్యానికి హానికరమని డాక్టర్లు చెబుతున్నారు. ఆయన వ్యక్తిగత అనుభవాన్ని అందరికీ వర్తించే ఆరోగ్య సూత్రంగా భావించకూడదు. ఆయన జీవనశైలిలో సముద్ర ఆహారం, నిద్ర వేళలు, వ్యక్తిగత శరీరతత్వం వంటి అనేక అంశాలు ఉండొచ్చు. వందేళ్లు దాటినా చురుగ్గా జీవిస్తున్న ఆయన మాత్రం ఇప్పుడు నెటిజన్ల ఆసక్తిని ఆకర్షిస్తున్నారు.
