ప్రాంక్‌ మామూలుగా లేదుగా.. దీపావళి స్వీట్లు అడిగితే టీవీలు, ఫ్రిజ్‌లు పంపారు!
- తమిళనాడులోని మధురైకి చెందిన ఇన్‌ఫ్లుయెన్సర్‌ వీరమణికి చేదు అనుభవం
- దీపావళికి స్వీట్లు పంపాలంటూ సోషల్‌ మీడియాలో ఫోన్‌ నంబర్‌, చిరునామా షేర్‌
- దీంతో టీవీలు, ఫ్రిజ్‌లు, వాషింగ్‌ మెషీన్ల పేరుతో నకిలీ క్యాష్‌ ఆన్‌ డెలివరీ ఆర్డర్లు
- డబ్బులు చెల్లించలేక ఇబ్బందిపడుతున్నానన్న వీరమణి
- వేధింపులు పెరగడంతో ఊరు విడిచి వెళ్లిపోతున్నట్లు వీడియో
పండగ పూట స్వీట్లు పంపిస్తారని ఆశపడితే.. ఏకంగా టీవీలు, ఫ్రిజ్‌లు ఇంటి ముందు వాలితే ఎలా ఉంటుంది? పైగా అవన్నీ ‘క్యాష్‌ ఆన్‌ డెలివరీ’ (సీఓడీ) ఆర్డర్లు అయితే.. ఆ బాధ వర్ణనాతీతం! తమిళనాడులోని మదురైకి చెందిన ఓ ఇన్‌స్టాగ్రామ్‌ ఇన్‌ఫ్లుయెన్సర్‌కు ఇప్పుడు ఇదే పరిస్థితి ఎదురైంది. దీపావళికి స్వీట్లు పంపించాలనుకునే అభిమానుల కోసం తన ఫోన్‌ నంబర్‌, ఇంటి అడ్రస్‌ షేర్‌ చేస్తే.. కొందరు నెటిజన్లు మాత్రం ఆయనకు చుక్కలు చూపించారు.
మదురైకి చెందిన వీరమణి సోషల్‌ మీడియాలో తన చిరునామా వెల్లడిస్తూ.. దీపావళి సందర్భంగా అభిమానులు స్వీట్లు పంపిస్తే సంతోషిస్తానని ఆశపడ్డారు. కానీ కొందరు ఆకతాయిలు ఆ అవకాశాన్ని మరోలా ఉపయోగించుకున్నారు. ఆయన పేరు మీద ఖరీదైన వస్తువులను ఆర్డర్‌ చేస్తూ ప్రాంక్‌లకు తెరలేపారు. ఇంకేముంది.. స్వీట్లతో మొదలైన వ్యవహారం కాస్తా టీవీలు, ఫ్రిజ్‌లు, వాషింగ్‌ మెషీన్ల దాకా వెళ్లింది.
ఓ టీవీ ధర ఏకంగా రూ.1.69 లక్షలని ప్రచారం జరిగింది. వీటన్నింటినీ క్యాష్‌ ఆన్‌ డెలివరీలో బుక్‌ చేయడంతో.. ఆర్డర్‌ చేయని వస్తువులకు డబ్బులు చెల్లించాల్సిన పరిస్థితి వీరమణికి ఎదురైంది. అరగంటలోనే 15 ఆర్డర్లు వచ్చాయని, అంత డబ్బు తన దగ్గర లేదని ఆయన వాపోయారు. ఇక రూ.70 కోట్ల విలువైన టీ-90 యుద్ధ ట్యాంకు, అంబులెన్స్‌, రాకెట్‌ కూడా ఆయనకు ఆర్డర్‌ చేశారంటూ కొన్ని పోస్టులు సోషల్‌ మీడియాలో చక్కర్లు కొట్టాయి. వీటిలో ఏవి నిజమైన డెలివరీ ఆర్డర్లు, ఏవి కేవలం ప్రాంక్‌ పోస్టులో స్పష్టత లేదు.
ఈ తతంగంతో డెలివరీ బాయ్స్‌ కూడా ఇబ్బందులు పడాల్సి వచ్చింది. దూర ప్రాంతాల నుంచి పార్సిళ్లు తీసుకొచ్చిన వారికి.. తాను ఆర్డర్‌ చేయలేదని చెప్పాల్సిన పరిస్థితి ఏర్పడింది. దీంతో వీరమణి ఇన్‌స్టాగ్రామ్‌లో వీడియోలు పెట్టి వేడుకున్నారు. “నాకెందుకు ఇలా చేస్తున్నారు? డెలివరీ బాయ్స్‌ ఎంతో దూరం నుంచి వస్తున్నారు. అరగంటలో 15 ఆర్డర్లు వచ్చాయి. వాటన్నింటికీ చెల్లించే డబ్బు నా దగ్గర లేదు. దయచేసి ఆపండి” అని విజ్ఞప్తి చేశారు.
అయినా ప్రాంక్‌లు ఆగకపోవడంతో చివరకు ఊరు విడిచి వెళ్తున్నట్లు మరో వీడియోలో చెప్పారు. ఖరీదైన వస్తువులు ఆర్డర్‌ చేశారంటూ తనను తిడుతున్నారని ఆవేదన వ్యక్తం చేశారు.
స్వీట్లు అడిగితే సర్‌ప్రైజ్‌ గిఫ్ట్‌లు వస్తాయనుకుంటే.. లక్షల రూపాయల బిల్లులు స్వాగతం పలికాయన్నమాట! పండగ పూట ప్రాంక్‌ చేయాలన్న సరదా.. ఎదుటివారిని ఇబ్బందుల్లోకి నెట్టే స్థాయికి చేరితే అది వినోదం కాదు. పైగా డెలివరీ సిబ్బందినీ అనవసరంగా ఇబ్బంది పెట్టడం మరో సమస్య. సోషల్‌ మీడియాలో చిరునామా, ఫోన్‌ నంబర్‌ వంటి వ్యక్తిగత వివరాలను పంచుకునేటప్పుడు జాగ్రత్తగా ఉండాలనే హెచ్చరికను ఈ ఘటన గుర్తుచేస్తోంది.
మదురైకి చెందిన వీరమణి సోషల్‌ మీడియాలో తన చిరునామా వెల్లడిస్తూ.. దీపావళి సందర్భంగా అభిమానులు స్వీట్లు పంపిస్తే సంతోషిస్తానని ఆశపడ్డారు. కానీ కొందరు ఆకతాయిలు ఆ అవకాశాన్ని మరోలా ఉపయోగించుకున్నారు. ఆయన పేరు మీద ఖరీదైన వస్తువులను ఆర్డర్‌ చేస్తూ ప్రాంక్‌లకు తెరలేపారు. ఇంకేముంది.. స్వీట్లతో మొదలైన వ్యవహారం కాస్తా టీవీలు, ఫ్రిజ్‌లు, వాషింగ్‌ మెషీన్ల దాకా వెళ్లింది.
ఓ టీవీ ధర ఏకంగా రూ.1.69 లక్షలని ప్రచారం జరిగింది. వీటన్నింటినీ క్యాష్‌ ఆన్‌ డెలివరీలో బుక్‌ చేయడంతో.. ఆర్డర్‌ చేయని వస్తువులకు డబ్బులు చెల్లించాల్సిన పరిస్థితి వీరమణికి ఎదురైంది. అరగంటలోనే 15 ఆర్డర్లు వచ్చాయని, అంత డబ్బు తన దగ్గర లేదని ఆయన వాపోయారు. ఇక రూ.70 కోట్ల విలువైన టీ-90 యుద్ధ ట్యాంకు, అంబులెన్స్‌, రాకెట్‌ కూడా ఆయనకు ఆర్డర్‌ చేశారంటూ కొన్ని పోస్టులు సోషల్‌ మీడియాలో చక్కర్లు కొట్టాయి. వీటిలో ఏవి నిజమైన డెలివరీ ఆర్డర్లు, ఏవి కేవలం ప్రాంక్‌ పోస్టులో స్పష్టత లేదు.
ఈ తతంగంతో డెలివరీ బాయ్స్‌ కూడా ఇబ్బందులు పడాల్సి వచ్చింది. దూర ప్రాంతాల నుంచి పార్సిళ్లు తీసుకొచ్చిన వారికి.. తాను ఆర్డర్‌ చేయలేదని చెప్పాల్సిన పరిస్థితి ఏర్పడింది. దీంతో వీరమణి ఇన్‌స్టాగ్రామ్‌లో వీడియోలు పెట్టి వేడుకున్నారు. “నాకెందుకు ఇలా చేస్తున్నారు? డెలివరీ బాయ్స్‌ ఎంతో దూరం నుంచి వస్తున్నారు. అరగంటలో 15 ఆర్డర్లు వచ్చాయి. వాటన్నింటికీ చెల్లించే డబ్బు నా దగ్గర లేదు. దయచేసి ఆపండి” అని విజ్ఞప్తి చేశారు.
అయినా ప్రాంక్‌లు ఆగకపోవడంతో చివరకు ఊరు విడిచి వెళ్తున్నట్లు మరో వీడియోలో చెప్పారు. ఖరీదైన వస్తువులు ఆర్డర్‌ చేశారంటూ తనను తిడుతున్నారని ఆవేదన వ్యక్తం చేశారు.
స్వీట్లు అడిగితే సర్‌ప్రైజ్‌ గిఫ్ట్‌లు వస్తాయనుకుంటే.. లక్షల రూపాయల బిల్లులు స్వాగతం పలికాయన్నమాట! పండగ పూట ప్రాంక్‌ చేయాలన్న సరదా.. ఎదుటివారిని ఇబ్బందుల్లోకి నెట్టే స్థాయికి చేరితే అది వినోదం కాదు. పైగా డెలివరీ సిబ్బందినీ అనవసరంగా ఇబ్బంది పెట్టడం మరో సమస్య. సోషల్‌ మీడియాలో చిరునామా, ఫోన్‌ నంబర్‌ వంటి వ్యక్తిగత వివరాలను పంచుకునేటప్పుడు జాగ్రత్తగా ఉండాలనే హెచ్చరికను ఈ ఘటన గుర్తుచేస్తోంది.
