ట్రంప్ కోసం పాకిస్థాన్ ప్రధాని ప్రయత్నాలు.. పట్టించుకోని నోబెల్ కమిటీ
- ట్రంప్‌కు మరోసారి నిరాశ.. దక్కని నోబెల్ శాంతి బహుమతి
- భారత తమిళ మూలాలున్న నవీ పిళ్ళైకు 2026 నోబెల్ శాంతి పురస్కారం
- భారత్-పాక్ మధ్య శాంతికి కృషి చేశారని ట్రంప్‌ను ప్రతిపాదించిన పాకిస్థాన్
- ట్రంప్ వాదనలను తీవ్రంగా ఖండిస్తూ వస్తున్న భారత్
అమెరికా అధ్యక్షుడు డొనాల్డ్ ట్రంప్‌కు మరోసారి నోబెల్ శాంతి బహుమతి విషయంలో నిరాశే ఎదురైంది. పాకిస్థాన్ ప్రధాని షెహబాజ్ షరీఫ్ గట్టిగా ప్రచారం చేసినప్పటికీ, ఈ పురస్కారం ఆయనకు దక్కలేదు. 2026 సంవత్సరానికి గాను ఈ ప్రతిష్ఠాత్మక పురస్కారం ఐక్యరాజ్యసమితి మాజీ మానవ హక్కుల చీఫ్, భారత తమిళ మూలాలున్న దక్షిణాఫ్రికా న్యాయవేత్త నవనీతం 'నవీ' పిళ్ళైను వరించింది.
పురస్కారం ప్రకటించడానికి కొన్ని గంటల ముందు, పాక్ ప్రధాని షెహబాజ్ షరీఫ్ 'ఎక్స్' వేదికగా ట్రంప్‌కు మద్దతు తెలిపారు. "దక్షిణాసియాలో శాంతిని నెలకొల్పడంలో ట్రంప్ చారిత్రక పాత్ర పోషించారు. భారత్-పాకిస్థాన్‌లను యుద్ధం అంచుల నుంచి వెనక్కి తీసుకువచ్చి కాల్పుల విరమణ ఒప్పందం కుదరడంలో సహాయపడ్డారు. ఆయన సేవలకు ఈసారైనా తగిన గుర్తింపు లభిస్తుందని ఆశిస్తున్నాను" అని ఆయన పేర్కొన్నారు.
అయితే, ఈ వాదనను భారత్ మొదటి నుంచి తీవ్రంగా ఖండిస్తూ వస్తోంది. 2025 మే నెలలో కశ్మీర్‌లో ఉగ్రదాడికి ప్రతిస్పందనగా భారత్ 'ఆపరేషన్ సింధూర' చేపట్టిన తర్వాత జరిగిన కాల్పుల విరమణ ఒప్పందంలో ఏ మూడో వ్యక్తి ప్రమేయం లేదని ఢిల్లీ ఇప్పటికే పలుమార్లు స్పష్టం చేసింది. పాకిస్థాన్ అభ్యర్థన మేరకే కాల్పుల విరమణకు అంగీకరించామని, మధ్యవర్తిత్వాన్ని ఎప్పటికీ అంగీకరించబోమని ప్రధాని మోదీ ట్రంప్‌తో చెప్పినట్లు భారత విదేశాంగ శాఖ తెలిపింది. అయినప్పటికీ, భారత్-పాక్ మధ్య శాంతిని తానే నెలకొల్పానని ట్రంప్ 2025 మే నుంచి ఇప్పటివరకు దాదాపు 80 సార్లు ప్రకటించుకున్నారు.
మరోవైపు, 2026 నోబెల్ శాంతి పురస్కార విజేతగా నిలిచిన నవీ పిళ్ళై (85) అంతర్జాతీయ న్యాయవాదిగా, మానవ హక్కుల పరిరక్షకురాలిగా సుప్రసిద్ధులు. దక్షిణాఫ్రికాలో వర్ణవివక్షకు వ్యతిరేకంగా పోరాడిన నెల్సన్ మండేలా వంటి ఎందరో కార్యకర్తల తరఫున ఆమె న్యాయవాదిగా పనిచేశారు. అంతర్జాతీయ క్రిమినల్ కోర్టు (ఐసీసీ) న్యాయమూర్తిగా, ఐరాస మానవ హక్కుల హైకమిషనర్‌గా ఆమె అందించిన సేవలను నోబెల్ కమిటీ ప్రశంసించింది. శాంతి, అంతర్జాతీయ చట్టాల పరిరక్షణకు చేసిన కృషికి గాను ఆమెను ఈ పురస్కారానికి ఎంపిక చేసినట్లు నార్వేలోని ఓస్లోలో కమిటీ ఛైర్మన్ ప్రకటించారు. ఈ అవార్డు కింద 12 మిలియన్ స్వీడిష్ క్రోనార్ల (సుమారు 1.2 మిలియన్ డాలర్లు/రూ.11.62 కోట్లు) నగదు బహుమతిని డిసెంబర్ 10న అందజేస్తారు.
పురస్కారం ప్రకటించడానికి కొన్ని గంటల ముందు, పాక్ ప్రధాని షెహబాజ్ షరీఫ్ 'ఎక్స్' వేదికగా ట్రంప్‌కు మద్దతు తెలిపారు. "దక్షిణాసియాలో శాంతిని నెలకొల్పడంలో ట్రంప్ చారిత్రక పాత్ర పోషించారు. భారత్-పాకిస్థాన్‌లను యుద్ధం అంచుల నుంచి వెనక్కి తీసుకువచ్చి కాల్పుల విరమణ ఒప్పందం కుదరడంలో సహాయపడ్డారు. ఆయన సేవలకు ఈసారైనా తగిన గుర్తింపు లభిస్తుందని ఆశిస్తున్నాను" అని ఆయన పేర్కొన్నారు.
అయితే, ఈ వాదనను భారత్ మొదటి నుంచి తీవ్రంగా ఖండిస్తూ వస్తోంది. 2025 మే నెలలో కశ్మీర్‌లో ఉగ్రదాడికి ప్రతిస్పందనగా భారత్ 'ఆపరేషన్ సింధూర' చేపట్టిన తర్వాత జరిగిన కాల్పుల విరమణ ఒప్పందంలో ఏ మూడో వ్యక్తి ప్రమేయం లేదని ఢిల్లీ ఇప్పటికే పలుమార్లు స్పష్టం చేసింది. పాకిస్థాన్ అభ్యర్థన మేరకే కాల్పుల విరమణకు అంగీకరించామని, మధ్యవర్తిత్వాన్ని ఎప్పటికీ అంగీకరించబోమని ప్రధాని మోదీ ట్రంప్‌తో చెప్పినట్లు భారత విదేశాంగ శాఖ తెలిపింది. అయినప్పటికీ, భారత్-పాక్ మధ్య శాంతిని తానే నెలకొల్పానని ట్రంప్ 2025 మే నుంచి ఇప్పటివరకు దాదాపు 80 సార్లు ప్రకటించుకున్నారు.
మరోవైపు, 2026 నోబెల్ శాంతి పురస్కార విజేతగా నిలిచిన నవీ పిళ్ళై (85) అంతర్జాతీయ న్యాయవాదిగా, మానవ హక్కుల పరిరక్షకురాలిగా సుప్రసిద్ధులు. దక్షిణాఫ్రికాలో వర్ణవివక్షకు వ్యతిరేకంగా పోరాడిన నెల్సన్ మండేలా వంటి ఎందరో కార్యకర్తల తరఫున ఆమె న్యాయవాదిగా పనిచేశారు. అంతర్జాతీయ క్రిమినల్ కోర్టు (ఐసీసీ) న్యాయమూర్తిగా, ఐరాస మానవ హక్కుల హైకమిషనర్‌గా ఆమె అందించిన సేవలను నోబెల్ కమిటీ ప్రశంసించింది. శాంతి, అంతర్జాతీయ చట్టాల పరిరక్షణకు చేసిన కృషికి గాను ఆమెను ఈ పురస్కారానికి ఎంపిక చేసినట్లు నార్వేలోని ఓస్లోలో కమిటీ ఛైర్మన్ ప్రకటించారు. ఈ అవార్డు కింద 12 మిలియన్ స్వీడిష్ క్రోనార్ల (సుమారు 1.2 మిలియన్ డాలర్లు/రూ.11.62 కోట్లు) నగదు బహుమతిని డిసెంబర్ 10న అందజేస్తారు.
