సముద్రం చూడటానికా సచివాలయం? విజయ్ ప్రభుత్వానికి స్టాలిన్ చురక
- చెన్నై బీచ్ సమీపంలో కొత్త సచివాలయంపై వివాదం
- ప్రభుత్వ నిర్ణయాన్ని తీవ్రంగా వ్యతిరేకించిన మాజీ సీఎం స్టాలిన్
- సచివాలయం పనిచేయడానికే తప్ప, సముద్రం చూడటానికి కాదని హితవు
- జీవనోపాధి దెబ్బతింటుందని మత్స్యకారుల ఆందోళన
- నిర్ణయం వెనక్కి తీసుకోకపోతే రాష్ట్రవ్యాప్త నిరసనలకు పిలుపు
చెన్నైలోని పట్టినపాక్కం శ్రీనివాసపురంలో సముద్రానికి అభిముఖంగా కొత్త సచివాలయం నిర్మించాలన్న ప్రభుత్వ నిర్ణయంపై డీఎంకే అధినేత, తమిళనాడు మాజీ ముఖ్యమంత్రి ఎంకే స్టాలిన్ తీవ్రస్థాయిలో ధ్వజమెత్తారు. ప్రభుత్వం తన ప్రతిపాదనను తక్షణమే ఉపసంహరించుకోకపోతే, మత్స్యకార సంఘాలతో కలిసి రాష్ట్రవ్యాప్త ఉద్యమానికి శ్రీకారం చుడతామని ఆయన హెచ్చరించారు.
ప్రజలు, మత్స్యకారుల నుంచి తీవ్ర వ్యతిరేకత వ్యక్తమవుతున్నప్పటికీ ప్రభుత్వం మొండి వైఖరిని ప్రదర్శిస్తోందని స్టాలిన్ విమర్శించారు. "సచివాలయం అనేది పాలన సాగించడానికి ఉండాలి తప్ప, ముఖ్యమంత్రి సముద్రపు అందాలను వీక్షిస్తూ కూర్చోవడానికి కాదు" అని ఆయన చురకలంటించారు. మత్స్యకారుల జీవనోపాధిని దెబ్బతీసి, వారి ఆవాసాలను నాశనం చేస్తూ సచివాలయాన్ని నిర్మించాల్సిన అవసరం ఏముందని ఆయన ప్రశ్నించారు. కొత్త సచివాలయ నిర్మాణ ఉత్తర్వులను తక్షణమే రద్దు చేసి, సదరు ప్రాంతంలోని మత్స్యకారులకు పక్కా గృహాలను నిర్మించి ఇవ్వాలని ఆయన డిమాండ్ చేశారు.
ప్రభుత్వ నిర్ణయానికి వ్యతిరేకంగా ముల్లికుప్పం, శ్రీనివాసపురం, ముల్లిమానగర్, రాజీవ్ గాంధీ నగర్లతో పాటు పలు మత్స్యకార గ్రామాల ప్రజలు ఇప్పటికే ఆందోళన బాట పట్టారు. ఈ నిర్మాణం వల్ల తమ జీవనోపాధి దెబ్బతినడమే కాకుండా, భవిష్యత్తు అగమ్యగోచరంగా మారుతుందని వారు ఆవేదన వ్యక్తం చేస్తున్నారు.
ప్రజలు, మత్స్యకారుల నుంచి తీవ్ర వ్యతిరేకత వ్యక్తమవుతున్నప్పటికీ ప్రభుత్వం మొండి వైఖరిని ప్రదర్శిస్తోందని స్టాలిన్ విమర్శించారు. "సచివాలయం అనేది పాలన సాగించడానికి ఉండాలి తప్ప, ముఖ్యమంత్రి సముద్రపు అందాలను వీక్షిస్తూ కూర్చోవడానికి కాదు" అని ఆయన చురకలంటించారు. మత్స్యకారుల జీవనోపాధిని దెబ్బతీసి, వారి ఆవాసాలను నాశనం చేస్తూ సచివాలయాన్ని నిర్మించాల్సిన అవసరం ఏముందని ఆయన ప్రశ్నించారు. కొత్త సచివాలయ నిర్మాణ ఉత్తర్వులను తక్షణమే రద్దు చేసి, సదరు ప్రాంతంలోని మత్స్యకారులకు పక్కా గృహాలను నిర్మించి ఇవ్వాలని ఆయన డిమాండ్ చేశారు.
ప్రభుత్వ నిర్ణయానికి వ్యతిరేకంగా ముల్లికుప్పం, శ్రీనివాసపురం, ముల్లిమానగర్, రాజీవ్ గాంధీ నగర్లతో పాటు పలు మత్స్యకార గ్రామాల ప్రజలు ఇప్పటికే ఆందోళన బాట పట్టారు. ఈ నిర్మాణం వల్ల తమ జీవనోపాధి దెబ్బతినడమే కాకుండా, భవిష్యత్తు అగమ్యగోచరంగా మారుతుందని వారు ఆవేదన వ్యక్తం చేస్తున్నారు.
