అతను నిజాయితీపరుడు.. ఇమ్రాన్ ఖాన్ కోసం కన్నీళ్లు పెట్టుకున్న మియాందాద్
- ఇమ్రాన్ ఖాన్ పరిస్థితిని తలుచుకుని కన్నీళ్లు పెట్టుకున్న జావేద్ మియాందాద్
- ఇమ్రాన్ నిజాయితీపరుడని, అవినీతి చేసే వ్యక్తి కాదని మియాందాద్ వ్యాఖ్య
- జైల్లో తమ తండ్రిని చంపేందుకు పాక్ ప్రభుత్వం యత్నిస్తోందని ఇమ్రాన్ కుమారుల ఆరోపణ
- ఇమ్రాన్కు గౌరవప్రదమైన వైద్యం అందాలని ఆకాంక్షించిన ఆస్ట్రేలియా కెప్టెన్ పాట్ కమిన్స్
- ఇప్పటికే పాక్ ప్రధానికి లేఖ రాసిన 21 మంది మాజీ కెప్టెన్లు
పాకిస్థాన్ మాజీ ప్రధాని, క్రికెట్ దిగ్గజం ఇమ్రాన్ ఖాన్ జైలు జీవితంపై ఆయన ఒకప్పటి సహచరుడు, లెజెండరీ బ్యాటర్ జావేద్ మియాందాద్ తీవ్ర భావోద్వేగానికి గురయ్యాడు. ఇమ్రాన్ పరిస్థితిని తలుచుకుని కన్నీటిపర్యంతమయ్యాడు. ఒక యూట్యూబ్ ఛానెల్కు ఇచ్చిన ఇంటర్వ్యూలో ఆయన మాట్లాడుతూ.. "ఇమ్రాన్ నిజాయితీపరుడు. అవినీతికి పాల్పడే వ్యక్తి కాదు. ఒకవేళ అలా చేసి ఉంటే ఎన్నో పనులు చేసేవాడు. అతడిని బయటకు వదిలితే ఏం చేస్తాడు? ఎవరినైనా ఇబ్బంది పెడతాడా? అతను కూడా ఒకరి కొడుకే కదా" అంటూ ఆవేదన వ్యక్తం చేశాడు.
మియాందాద్ వ్యాఖ్యలకు ఒకరోజు ముందే, 'స్కై స్పోర్ట్స్'కు ఇచ్చిన ఇంటర్వ్యూలో ఇమ్రాన్ ఖాన్ కుమారులు సులేమాన్, కాసిమ్ ఖాన్ సంచలన ఆరోపణలు చేశారు. పాకిస్థాన్ ప్రభుత్వం జైల్లో తమ తండ్రిని చంపేందుకు ప్రయత్నిస్తోందని వారు ఆరోపించారు. రోజుకు 23 గంటలకు పైగా ఆయన్ను ఒంటరిగా ఒక గదిలో బంధిస్తున్నారని, ఆయన ఆరోగ్యం క్షీణిస్తోందని, తీవ్ర ఒత్తిడిలో ఉన్నట్లు కనిపిస్తున్నారని తెలిపారు. కంటి సమస్యతో ఆయన పడుతున్న ఇబ్బంది తమను తీవ్రంగా కలచివేస్తోందని అన్నారు.
ఈ పరిణామాల నేపథ్యంలో ఇమ్రాన్ ఖాన్కు అంతర్జాతీయంగా మద్దతు పెరుగుతోంది. ఆస్ట్రేలియా టెస్ట్, వన్డే కెప్టెన్ పాట్ కమిన్స్ ఇమ్రాన్కు మద్దతుగా నిలిచాడు. ఇమ్రాన్కు గౌరవప్రదమైన వైద్య చికిత్స అందాలని, కుటుంబ సభ్యులను కలుసుకునేందుకు అనుమతించాలని కోరాడు. ఇమ్రాన్కు మెరుగైన వైద్యం అందించాలని కోరుతూ భారత దిగ్గజం సునీల్ గవాస్కర్తో సహా 21 మంది మాజీ అంతర్జాతీయ కెప్టెన్లు ఇప్పటికే పాకిస్థాన్ ప్రధాని షెహబాజ్ షరీఫ్కు లేఖ రాసిన విషయం తెలిసిందే.
1992లో పాకిస్థాన్కు వన్డే ప్రపంచకప్ అందించిన ఇమ్రాన్ ఖాన్, ఆ తర్వాత రాజకీయాల్లోకి వచ్చి ప్రధాని అయ్యారు. అవినీతి ఆరోపణల కేసులో దోషిగా తేలడంతో 2023 నుంచి రావల్పిండి జైల్లో శిక్ష అనుభవిస్తున్నారు. అయితే, తనపై మోపిన అభియోగాలన్నీ రాజకీయ ప్రేరేపితమైనవని ఆయన మొదటి నుంచి కొట్టిపారేస్తున్నారు.
మియాందాద్ వ్యాఖ్యలకు ఒకరోజు ముందే, 'స్కై స్పోర్ట్స్'కు ఇచ్చిన ఇంటర్వ్యూలో ఇమ్రాన్ ఖాన్ కుమారులు సులేమాన్, కాసిమ్ ఖాన్ సంచలన ఆరోపణలు చేశారు. పాకిస్థాన్ ప్రభుత్వం జైల్లో తమ తండ్రిని చంపేందుకు ప్రయత్నిస్తోందని వారు ఆరోపించారు. రోజుకు 23 గంటలకు పైగా ఆయన్ను ఒంటరిగా ఒక గదిలో బంధిస్తున్నారని, ఆయన ఆరోగ్యం క్షీణిస్తోందని, తీవ్ర ఒత్తిడిలో ఉన్నట్లు కనిపిస్తున్నారని తెలిపారు. కంటి సమస్యతో ఆయన పడుతున్న ఇబ్బంది తమను తీవ్రంగా కలచివేస్తోందని అన్నారు.
ఈ పరిణామాల నేపథ్యంలో ఇమ్రాన్ ఖాన్కు అంతర్జాతీయంగా మద్దతు పెరుగుతోంది. ఆస్ట్రేలియా టెస్ట్, వన్డే కెప్టెన్ పాట్ కమిన్స్ ఇమ్రాన్కు మద్దతుగా నిలిచాడు. ఇమ్రాన్కు గౌరవప్రదమైన వైద్య చికిత్స అందాలని, కుటుంబ సభ్యులను కలుసుకునేందుకు అనుమతించాలని కోరాడు. ఇమ్రాన్కు మెరుగైన వైద్యం అందించాలని కోరుతూ భారత దిగ్గజం సునీల్ గవాస్కర్తో సహా 21 మంది మాజీ అంతర్జాతీయ కెప్టెన్లు ఇప్పటికే పాకిస్థాన్ ప్రధాని షెహబాజ్ షరీఫ్కు లేఖ రాసిన విషయం తెలిసిందే.
1992లో పాకిస్థాన్కు వన్డే ప్రపంచకప్ అందించిన ఇమ్రాన్ ఖాన్, ఆ తర్వాత రాజకీయాల్లోకి వచ్చి ప్రధాని అయ్యారు. అవినీతి ఆరోపణల కేసులో దోషిగా తేలడంతో 2023 నుంచి రావల్పిండి జైల్లో శిక్ష అనుభవిస్తున్నారు. అయితే, తనపై మోపిన అభియోగాలన్నీ రాజకీయ ప్రేరేపితమైనవని ఆయన మొదటి నుంచి కొట్టిపారేస్తున్నారు.
