విజయ్కి ఏఎంఎంకే పార్టీ మద్దతు అంటూ వార్తలు... స్పందించిన దినకరన్
- టీవీకేకు తాము మద్దతివ్వడం లేదన్న దినకరన్
- గవర్నర్కు జిరాక్స్ కాపీ ఇచ్చినట్లు తెలిసిందని వెల్లడి
- మా ఎమ్మెల్యే సంతకం పెట్టిన అసలు లేఖ ఎక్కడుందని ప్రశ్న
- ఈ వ్యవహారంపై గవర్నర్కు ఫిర్యాదు చేసినట్లు ఎమ్మెల్యే వెల్లడి
తమ పార్టీ ఎమ్మెల్యే టీవీకేకు మద్దతిస్తున్నట్లు గవర్నర్కు టీవీకే నేతలు జిరాక్స్ కాపీ ఇచ్చినట్లు తెలిసిందని పేర్కొన్నారు. అయితే అసలైన లేఖ ఎక్కడ ఉందో బయట పెట్టాలని డిమాండ్ చేశారు. అది లభిస్తేనే వాస్తవాలు బయటకు వస్తాయని వ్యాఖ్యానించారు.
టీవీకేకు మద్దతిస్తున్నట్లు తాను లేఖపై సంతకం చేసినట్లుగా జరుగుతున్న ప్రచారాన్ని ఎమ్మెల్యే ఎస్.కామరాజ్ కూడా తోసిపుచ్చారు. అది ఏఐ వీడియో అని ఆరోపించారు. ఈ వ్యవహారంపై తాము ఇప్పటికే గవర్నర్కు ఫిర్యాదు చేశామని తెలిపారు.
అతిపెద్ద పార్టీగా అవతరించిన టీవీకే పార్టీని ప్రభుత్వాన్ని ఏర్పాటు చేయడానికి ఆహ్వానించాలని పీఎంకే వ్యవస్థాపకుడు రామదాస్ విజ్ఞప్తి చేశారు. ప్రజలు ఇచ్చిన తీర్పును ప్రతి ఒక్కరూ గౌరవించాలని అన్నారు. ప్రభుత్వ ఏర్పాటులో జాప్యం చేయకూడదని, వెంటనే దీనిని పూర్తి చేయాలని ఆయన పేర్కొన్నారు. మరోవైపు, టీవీకే అధినేత విజయ్ త్వరలో వీసీకే చీఫ్ తిరుమావళవన్ను కలవనున్నారని తెలుస్తోంది. తనకు మద్దతివ్వాలని విజయ్ కోరనున్నారు.
