పవన్ కల్యాణ్ 28వ సినిమా గురించి బిగ్ అనౌన్స్ మెంట్!

రాజకీయాల కోసం సినిమాలకు కొంత కాలం పాటు బ్రేక్ ఇచ్చిన పవన్ కల్యాణ్ దూకుడు పెంచారు. వరుస సినిమాలతో దూసుకుపోతున్నారు. ఇప్పటికే ఆయన తాజా చిత్రం 'వకీల్ సాబ్' షూటింగ్ దాదాపు పూర్తైంది. క్రిష్ దర్శకత్వంలో మరో సినిమా చేయబోతున్నారు. తాజాగా మరో బిగ్ అనౌన్స్ మెంట్ వచ్చింది.

హరీశ్ శంకర్ దర్శకత్వంలో పవన్ తన 28వ చిత్రాన్ని చేయబోతున్నారు. దీనికి సంబంధించిన పోస్టర్ ను హరీశ్ శంకర్ సోషల్ మీడియా ద్వారా అభిమానులతో పంచుకున్నాడు. మైత్రీ మూవీస్ ఈ చిత్రాన్ని నిర్మిస్తుండగా... దేవిశ్రీ ప్రసాద్ సంగీతాన్ని అందించనున్నాడు. ఈ ప్రకటనతో పవన్ అభిమానులు సంతోషంలో మునిగిపోయారు.