బాలయ్య సినిమా కోసం రంగంలోకి దిగిన ఆస్ట్రేలియన్ బ్యూటీ!

కరోనా మూడో వేవ్ తర్వాత టాలీవుడ్ లో సూపర్ హిట్ అయిన తొలి చిత్రం 'అఖండ'. ఈ చిత్రంలో అఘోరా పాత్రలో బాలయ్య విశ్వరూపాన్ని చూసి సినీ అభిమానులు ఫిదా అయిపోయారు. థియేటర్లలో కేవలం 50 శాతం ఆక్యుపెన్సీకి మాత్రమే అనుమతి ఉన్న ఆ రోజుల్లో 'అఖండ' రూ. 100 కోట్లకు పైగా వసూలు చేసి సత్తా చాటింది. తాజాగా గోపీచంద్ మలినేని దర్శకత్వంలో బాలయ్య తన 107వ చిత్రాన్ని చేస్తున్నారు. ఈ చిత్రంలో బాలయ్య సరసన శ్రుతి హాసన్ నటిస్తోంది. 

ఈ చిత్రంలో ఓ మాస్ సాంగ్ ఉంది. తొలుత ఈ సాంగ్ కు డింపుల్ హయతిని తీసుకోనున్నట్టు వార్తలు వచ్చాయి. అయితే, ఆ వార్తలో నిజం లేదని తేలిపోయింది. ఇప్పుడు ఆ స్పెషల్ సాంగ్ కోసం ఆస్ట్రేలియన్ బ్యూటీ, మోడల్, భారత సంతతికి చెందిన చంద్రిక రవిని రంగంలోకి దింపినట్టు సమాచారం. ఈ సాంగ్ షూటింగ్ ఇప్పటికే రామోజీ ఫిలిం సిటీలో జరుగుతున్నట్టు తెలుస్తోంది. ఈ పాట సినిమాకి హైలైట్ గా ఉంటుందని అంటున్నారు.