Bheemla Nayak: ముగిసిన 'భీమ్లా నాయక్' షూటింగ్... వచ్చేవారం విడుదల
- ఫిబ్రవరి 25న వస్తున్న భీమ్లా నాయక్
- రామోజీ ఫిలింసిటీలో చివరి దశ షూటింగ్
- పవన్ పై సన్నివేశాల చిత్రీకరణ
- సాగర్ కె చంద్ర దర్శకత్వంలో భీమ్లా నాయక్
విడుదలకు మరో వారం సమయం ఉందనగా భీమ్లా నాయక్ చిత్రం షూటింగ్ ముగిసింది. చివరి షెడ్యూల్ లో మిగిలి ఉన్న సన్నివేశాలను గత కొన్నిరోజులుగా హైదరాబాదు రామోజీ ఫిలింసిటీలో చిత్రీకరిస్తున్నారు. హీరో పవన్ కల్యాణ్ కూడా ఈ చిత్రీకరణలో పాల్గొన్నారు. ఈ నేపథ్యంలో, షూటింగ్ పూర్తయిందని భీమ్లా నాయక్ దర్శకుడు సాగర్ కె చంద్ర సోషల్ మీడియా ద్వారా వెల్లడించారు.
పవన్ కల్యాణ్, రానా, నిత్యా మీనన్, సంయుక్త మీనన్ నటించిన ఈ చిత్రం ఫిబ్రవరి 25న ప్రేక్షకుల ముందుకు వస్తోంది. పవన్ కల్యాణ్ ఓ పవర్ ఫుల్, విలక్షణ పోలీసాఫీసర్ పాత్ర పోషించగా, రానా ప్రతినాయకుడిగా నటించారు. తమన్ సంగీతం అందించగా, ఇప్పటికే పాటలు సూపర్ హ్టిటయ్యాయి. భీమ్లా నాయక్ చిత్రానికి మాటల మాంత్రికుడు త్రివిక్రమ్ శ్రీనివాస్ డైలాగులు అందించడం సినిమాకు మరింత క్రేజ్ తెచ్చిపెట్టింది.
