'ఎఫ్ 3' నుంచి లిరికల్ సాంగ్ రిలీజ్!

వెంకటేశ్ - వరుణ్ తేజ్ కథానాయకులుగా 'ఎఫ్ 3' సినిమా రూపొందుతోంది. దిల్ రాజు నిర్మిస్తున్న ఈ సినిమా ఇప్పటికే చాలా వరకూ చిత్రీకరణను జరుపుకుంది. వెంకటేశ్ సరసన నాయికగా తమన్నా .. వరుణ్ తేజ్ జోడీగా మెహ్రీన్ కనువిందు చేయనున్నారు. దేవిశ్రీ ప్రసాద్ సంగీతాన్ని సమకూర్చిన ఈ సినిమా నుంచి తాజాగా ఒక లిరికల్ సాంగ్ ను రిలీజ్ చేశారు.

"లబ్ డబ్ లబ్ డబ్ డబ్బూ .. ఎవరు కనిపెట్టాడోగాని దీన్ని అబ్బో .. " అంటూ ఈ పాట సాగుతోంది. చేతిలోనే క్యాషే ఉంటే ఫేసు లోకి గ్లో వస్తుంది .. ఫ్లాషు బ్యాకు చెరిపేయొచ్చు అంటూ, పైస ఉంటేనే ఈ లోకంలో అనుకున్నవన్నీ నెరవేరతాయి .. లేదంటే పక్కకి జరుగుతాయి అనే అర్థంలో ఈ పాట నడుస్తుంది.

భాస్కరభట్ల సాహిత్యాన్ని అందించిన ఈ పాటను రామ్ మిర్యాల ఆలపించాడు .. భాను కొరియోగ్రఫీని అందించాడు. పాట అంతా కూడా కామెడీ ప్రధానంగానే సాగుతుంది. కాకపోతే చూడటానికి .. వినడానికి కూడా కాస్త గందరగోళంగా అనిపిస్తోంది. అనిల్ రావిపూడి దర్శకత్వం వహిస్తున్న ఈ సినిమాలో రాజేంద్రప్రసాద్ .. సునీల్ .. సంగీత కనిపించనున్నారు. ఏప్రిల్ 29వ తేదీన ఈ సినిమా ప్రేక్షకుల ముందుకు రానుంది.