Nithin: 'మాచర్ల నియోజకవర్గం' రిలీజ్ డేట్ ఖరారు!
- నితిన్ హీరోగా 'మాచర్ల నియోజక వర్గం'
- ఆయన సరసన నాయికగా కృతి శెట్టి
- సంగీత దర్శకుడిగా మహతి స్వరసాగర్
- ఏప్రిల్ 29వ తేదీన విడుదల
నితిన్ కి ఈ ఏడాది పెద్దగా కలిసిరాలేదనే చెప్పాలి. 'భీష్మ' తరువాత ఆయన చేసిన మూడు సినిమాలు ఈ ఏడాది ప్రేక్షకుల ముందుకు వచ్చాయి. ఆయన చేసిన 'చెక్' .. 'రంగ్ దే ' సినిమాలు థియేటర్లలో వచ్చాయి. 'మాస్ట్రో' మాత్రం ఓటీటీలో వచ్చింది. అయినా మూడు సినిమాలు నిరాశపరిచాయి.
ఆ తరువాత సినిమాను ఆయన రాజశేఖర్ రెడ్డి దర్శకత్వంలో చేస్తున్నాడు. ఈ సినిమాకి 'మాచర్ల నియోజక వర్గం' అనే టైటిల్ ను కూడా ఆల్రెడీ సెట్ చేశారు. కొన్ని రోజులుగా ఈ సినిమా షూటింగు జరుగుతోంది. తాజాగా ఈ సినిమాకి రిలీజ్ డేట్ ను ఖరారు చేశారు. ఏప్రిల్ 29వ తేదీన ఈ సినిమాను విడుదల చేయనున్నట్టు అధికారికంగా ప్రకటించారు.
నితిన్ సొంత బ్యానర్లో ఈ సినిమా నిర్మితమవుతున్న ఈ సినిమాకి, మహతి స్వరసాగర్ సంగీతాన్ని అందిస్తున్నాడు. నితిన్ జోడీగా కృతి శెట్టి అలరించనుంది. నాని .. సుధీర్ బాబు సినిమాలను పూర్తి చేసిన ఆమె, ప్రస్తుతం రామ్ .. చైతూ సినిమాలను చేస్తోంది. అలాగే నితిన్ షూటింగులోను పాల్గొంటోంది
. 