సినిమా కబుర్లు.. సంక్షిప్త సమాచారం 

*  గతంలో వచ్చిన 'ఫిదా' చిత్రంలో పల్లెటూరి యువతిగా నటించి మెప్పించిన సాయిపల్లవి మరోసారి అలాంటి పాత్రను పోషించనుంది. నాని హీరోగా రూపొందే 'శ్యాం సింగ రాయ్' చిత్రంలో సాయిపల్లవి పల్లెటూరి పిల్లగా నటిస్తుందట. ఈ చిత్రానికి రాహుల్ సాంకృత్యన్ దర్శకత్వం వహిస్తున్నాడు.
*  అందాల తారలు నయనతార, సమంత కలసి తమిళంలో ఓ చిత్రంలో నటిస్తున్న సంగతి విదితమే. నయనతార ప్రియుడు విఘ్నేశ్ శివన్ దర్శకత్వం వహించే ఈ చిత్రం షూటింగును డిసెంబర్ నుంచి నిర్వహించడానికి ప్లాన్ చేస్తున్నారు. దీనిని తెలుగులో కూడా ఏకకాలంలో నిర్మిస్తారు.
*  ప్రముఖ దర్శకుడు గుణశేఖర్ దర్శకత్వంలో రానా ప్రధాన పాత్రలో 'హిరణ్యకశ్యప' చిత్రం రూపొందనున్న సంగతి తెలిసిందే. తాజాగా ఈ చిత్రానికి సంబంధించిన ప్రీ ప్రొడక్షన్ పనులను దర్శకుడు పూర్తి చేసినట్టు సమాచారం. రానా డేట్స్ ను బట్టి సెట్స్ కి వెళతారట. ఈ చిత్రాన్ని సురేశ్ ప్రొడక్షన్స్ భారీ బడ్జెట్టుతో నిర్మిస్తోంది.