సినిమా కబుర్లు.. సంక్షిప్త సమాచారం

*  గోపీచంద్ హీరోగా రూపొందుతున్న 'సీటీమార్' చిత్రం షూటింగు ఇప్పటికే అరవై శాతం వరకు పూర్తయింది. తదుపరి షెడ్యూలును ఆగస్టు మొదటి వారం నుంచి  నిర్వహించడానికి ప్లాన్ చేస్తున్నారు. సంపత్ నంది దర్శకత్వం వహిస్తున్న ఈ చిత్రంలో తమన్నా కథానాయికగా నటిస్తోంది.  
*  ఎన్టీఆర్ తన 30వ చిత్రాన్ని త్రివిక్రమ్ శ్రీనివాస్ దర్శకత్వంలో చేస్తున్న సంగతి తెలిసిందే. ఈ చిత్రం షూటింగును విజయదశమి సందర్భంగా అక్టోబర్ ఒకటిన ప్రారంభించడానికి నిర్ణయించినట్టు సమాచారం. దీనికి 'అయినను పోయి రావలె హస్తినకు' అనే టైటిల్ని అనుకుంటున్నారు.
*  ప్రస్తుతం 'రంగ్ దే' సినిమాలో నటిస్తున్న నితిన్ దీని తర్వాత 'అంధాదూన్' హిందీ చిత్రాన్ని తెలుగులో రీమేక్ చేయనున్నాడు. మేర్లపాక గాంధీ దర్శకత్వం వహించే ఈ చిత్రంలో కథానాయికగా 'ఇస్మార్ట్ శంకర్' ఫేం నభా నటేష్ ను ఎంపిక చేసినట్టు సమాచారం. ఇందులో బాలీవుడ్ నటి శిల్పా శెట్టి ఓ కీలక పాత్ర పోషిస్తారు.