Kangana Ranaut: 'తలైవి'లో శోభన్ బాబు పాత్ర నిడివిపై సందేహాలు
- కంగనా రనౌత్ ప్రధాన పాత్రధారిగా 'తలైవి'
- కొంతవరకూ పూర్తయిన చిత్రీకరణ
- శోభన్ బాబు పాత్రలో జిషు సేన్ గుప్తా
దివంగత ముఖ్యమంత్రి జయలలిత జీవితచరిత్ర ఆధారంగా 'తలైవి' సినిమా రూపొందుతోంది. ఇప్పటికే ఈ సినిమా కొంతవరకూ చిత్రీకరణను జరుపుకుంది. జయలలిత సినీ .. రాజకీయ జీవితానికి సంబంధించిన అనేక విషయాలను ఈ బయోపిక్ లో ప్రస్తావించనున్నారు. కంగనా రనౌత్ ప్రధానమైన పాత్రను పోషిస్తున్న ఈ సినిమాలో, కరుణానిధిగా ప్రకాశ్ రాజ్ .. ఎంజీ రామచంద్రన్ గా అరవింద్ స్వామి ముఖ్యమైన పాత్రల్లో కనిపించనున్నారు.
జయలలితతో సన్నిహిత సంబంధాన్ని కలిగిన వ్యక్తిగా శోభన్ బాబు కనిపిస్తారు. అందువలన ఈ సినిమాలో ఆయన పాత్ర కూడా వుంది. ఈ పాత్ర కోసం జిషు సేన్ గుప్తాను తీసుకున్నారు. అయితే జయలలిత అభిమానుల మనోభావాలు దెబ్బతినకూడదనే ఉద్దేశంతో, శోభన్ బాబు పాత్ర నిడివిని తగ్గించాలనే ఆలోచనలో దర్శక నిర్మాతలు వున్నట్టుగా చెప్పుకుంటున్నారు. ఈ విషయంపైనే కోలీవుడ్లో సందేహాలు వ్యక్తమవుతున్నాయి. జయలలిత జీవితంలో ఆయన పాత్రను ఎంతవరకూ చూపిస్తారనేది ఇప్పుడు ఆసక్తికరంగా మారింది.
