స్క్రిప్టులో మార్పులు చేస్తున్న బోయపాటి!

బాలకృష్ణ .. బోయపాటి కాంబినేషన్లో సినిమా అనగానే అభిమానుల్లో ఆసక్తి పెరగడం సహజం. అందుకు కారణం ఇంతకుముందు ఈ ఇద్దరి కాంబినేషన్లో రెండు భారీ హిట్లు రావడమే. మూడో సినిమాతో హ్యాట్రిక్ హిట్ పడటం ఖాయమని అభిమానులంతా బలంగా నమ్ముతున్నారు. అయితే ఈ సినిమాలో బాలకృష్ణ ద్విపాత్రాభినయం చేయనున్నారు. వీటిలో ఒకటి రాయలసీమకి చెందిన పాత్ర కాగా, మరొకటి అఘోర!

బాలకృష్ణ అఘోర పాత్రకి డైలాగ్స్ తక్కువగా వుంటాయనే టాక్ వచ్చింది. ఈ నేపథ్యంలో ఈ పాత్ర విషయంలో బాలకృష్ణ అభిమానులు ఆందోళన వ్యక్తం చేశారట. బోయపాటి సన్నిహితులు కూడా, అఘోర పాత్రను ఆడియన్స్ ఎలా రిసీవ్ చేసుకంటారోననే సందేహాన్ని వ్యక్తం చేశారట. దాంతో బోయపాటి ఆ పాత్ర నిడివిని తగ్గించి, అఘోరగా బాలకృష్ణ తెరపై తక్కువ సేపు కనిపించేలా స్క్రిప్టులో మార్పులు చేసుకుంటున్నాడని సమాచారం.