Chandrababu: ఎస్ఈసీ రమేశ్ కుమార్ ను నియమించింది నేను కాదు: చంద్రబాబు
- రమేశ్ ని చంద్రబాబే నియమించుకున్నారని జగన్ ఆరోపణ
- నాటి గవర్నర్ ప్రతిపాదన మేరకే ఈ నియామకం జరిగింది
- నేను మాత్రం సీఆర్ బిశ్వను నియమించమని ప్రతిపాదించా
ఏపీ రాష్ట్ర ఎన్నికల సంఘం కమిషనర్ గా నిమ్మగడ్డ రమేశ్ కుమార్ ను నాడు చంద్రబాబు నియమించుకున్నారంటూ సీఎం జగన్ విమర్శలు చేసిన విషయం తెలిసిందే. ఈ విషయమై చంద్రబాబు స్పందిస్తూ, రమేశ్ కుమార్ ను తాము నియమించలేదని స్పష్టం చేశారు. సీఆర్ బిశ్వను ఎస్ఈసీగా నియమించాలని నాడు తాను ప్రతిపాదించిన విషయాన్ని గుర్తుచేశారు. అప్పటి గవర్నర్ నరసింహన్ మాత్రం రమేశ్ కుమార్ ను ప్రతిపాదించారని, ఈ క్రమంలో ఎస్ఈసీగా ఆయన్ని నియమించారని వివరించారు.
