'రెడ్' నుంచి ఫస్టు సాంగ్ వచ్చేస్తోంది

రామ్ కథానాయకుడిగా కిషోర్ తిరుమల దర్శకత్వంలో 'రెడ్' రూపొందుతోంది. ఫ్యామిలీ ఎమోషన్స్ తో కూడిన ప్రేమకథగా ఈ సినిమా నిర్మితమవుతోంది. ఈ సినిమా నుంచి ఒక లిరికల్ సాంగ్ ను రిలీజ్ చేయడానికి ముహూర్తాన్ని ఖరారు చేశారు. ఈ నెల 6వ తేదీన సాయంత్రం 5 గంటలకు 'నువ్వే నువ్వే' అంటూ సాగే ఫస్టు సాంగ్ ను రిలీజ్ చేయనున్నారు.

మణిశర్మ సంగీతాన్ని అందించిన ఈ పాటకి సిరివెన్నెల సాహిత్యాన్ని అందించగా, అనురాగ్ కులకర్ణి - రమ్య బెహ్రా ఆలపించారు. ఈ సినిమా యూత్ కి బాగా కనెక్ట్ అవుతుందనే టాక్ వినిపిస్తోంది. మాళవిక శర్మ .. నివేదా పేతురాజ్ ఈ సినిమాలో కథానాయికలుగా కనిపించనున్నారు. గతంలో రామ్ .. కిషోర్ తిరుమల కాంబినేషన్లో వచ్చిన 'నేను శైలజ' భారీ విజయాన్ని సొంతం చేసుకుంది. ఆ తరువాత వచ్చిన 'ఉన్నది ఒకటే జిందగీ' సినిమా ఓ మాదిరిగా ఆడింది. ఈ ఇద్దరి కాంబినేషన్లో రూపొందుతున్న ఈ సినిమాపై అంచనాలు బాగానే వున్నాయి. ఏప్రిల్ 9వ తేదీన ఈ సినిమా ప్రేక్షకుల ముందుకు రానుంది.