విజయ్ దేవరకొండతో పూరి సినిమా కథ అది కాదట

విజయ్ దేవరకొండ ప్రస్తుతం క్రాంతిమాధవ్ సినిమా చేస్తున్నాడు. ఈ సినిమాకి సంబంధించిన అప్ డేట్స్ రావడం లేదు గానీ, చకచకా షూటింగ్ జరుపుకుంటోందనే టాక్ మాత్రం వినిపిస్తోంది. ఈ సినిమా తరువాత పూరి జగన్నాథ్ దర్శకత్వంలో విజయ్ దేవరకొండ సినిమా ఉండనుంది. పూరి సొంత బ్యానర్ పై నిర్మితమయ్యే ఈ సినిమా నవంబర్లో రెగ్యులర్ షూటింగ్ కి వెళుతుంది. వచ్చే వేసవి సెలవుల్లో ఈ సినిమాను విడుదల చేయాలనే ఆలోచనలో వున్నారు.

ఈ సినిమా కథ డాన్ కి .. అతని కొడుక్కి మధ్య నడుస్తుందనీ, డాన్ గా ఒక సీనియర్ హీరో నటిస్తాడనే ప్రచారం రెండు మూడు రోజులుగా జరుగుతోంది. ఈ వార్తలో ఎంతమాత్రం నిజం లేదనేది తాజా సమాచారం. ప్రేమకథా నేపథ్యంలోనే ఈ సినిమా వుంటుందట. విజయ్ దేవరకొండ మార్క్ ప్రేమకథతో .. పూరి మార్క్ సినిమాగానే ఈ సినిమా ఉంటుందని అంటున్నారు. త్వరలోనే మిగతా వివరాలు తెలియనున్నాయి.