అవెంజర్స్ ఎఫెక్ట్ .. వాయిదాపడిన 'అభినేత్రి 2'

'అవెంజర్స్ ఎండ్ గేమ్' భారీ అంచనాల మధ్య నిన్న తెలుగు ప్రేక్షకుల ముందుకు వచ్చింది. ఈ సినిమా అత్యధిక థియేటర్స్ లో విడుదలైంది. ఈ సినిమాకి దగ్గరలో తమ సినిమా విడుదలను ప్లాన్ చేసుకున్న దర్శక నిర్మాతలు, థియేటర్ల సమస్య తలెత్తుతుందనీ, వసూళ్లపై ప్రభావం పడుతుందని భావించి విడుదలను వాయిదా వేసుకున్నారు.

అలా మే 1వ తేదీన విడుదల కావలసిన 'అర్జున్ సురవరం' సినిమా విడుదల వాయిదా పడింది. కొత్త రిలీజ్ డేట్ ను త్వరలోనే ప్రకటించనున్నారు. ఇక అదే రోజున విడుదల కానున్న 'అభినేత్రి 2' కూడా వాయిదా పడిందనేది తాజా సమాచారం. తెలుగు .. తమిళ భాషల్లో ఈ సినిమాను మే 31వ తేదీన విడుదల చేయాలనే నిర్ణయానికి వచ్చారు. ఆ రోజునే సూర్య 'ఎన్జీకే' ప్రేక్షకుల ముందుకు రానుందనే సంగతి తెలిసిందే.