Lakshman: తెలంగాణను చంద్రబాబు ఎలా అడ్డుకున్నారో అందరికీ తెలుసు: బీజేపీ అధ్యక్షుడు లక్ష్మణ్‌
- తెలుగుదేశం పార్టీకి రాష్ట్రంలో నూకలు చెల్లాయి
- రాష్ట్రంలో ఆ పార్టీ పరిస్థితి మిణుకుమిణుకు మంటోంది
- కాంగ్రెస్‌, టీడీపీ, టీఆర్‌ఎస్‌లకు ఓటేస్తే ఎంఐఎంకు వేసినట్టే
తెలంగాణ రాకుండా అడ్డుపడిన పాపానికి తెలుగుదేశం పార్టీకి రాష్ట్రంలో నూకలు చెల్లాయని, అందుకే ఆ పార్టీ కాంగ్రెస్‌ గొడుగు కిందకు చేరిందని బీజేపీ రాష్ట్ర అధ్యక్షుడు లక్ష్మణ్‌ అన్నారు. పార్టీ రాష్ట్ర కార్యాలయంలో జరిగిన వినాయక చవితి వేడుకల్లో గురువారం ఆయన పాల్గొన్నారు. ఈ సందర్భంగా విలేకరులతో మాట్లాడుతూ తెలంగాణకు చంద్రబాబు ఎలా అడ్డుపడ్డారో అందరికీ తెలుసన్నారు.
అందుకే ఆ పార్టీ పరిస్థితి మిణుకుమిణుకు మంటోందని వ్యాఖ్యానించారు. కాంగ్రెస్‌, టీడీపీ, టీఆర్‌ఎస్‌ లకు ఓటేస్తే ఎంఐఎంకు ఓటేసినట్టేనన్నారు. శుక్రవారం నుంచి ఎన్నికల క్షేత్రంలోకి దిగనున్నామని, 15న పాలమూరులో జరిగే సభకు పార్టీ జాతీయ అధ్యక్షుడు అమిత్‌ షా హాజరు కానున్నారని తెలిపారు.
