'సైరా' రెండవ షెడ్యూల్ కి సన్నాహాలు .. రంగంలోకి అమితాబ్ .. నయనతార

చిరంజీవి కథానాయకుడుగా సురేందర్ రెడ్డి దర్శకత్వంలో 'సైరా' సినిమా రూపొందుతోంది. చరణ్ నిర్మాతగా వ్యవహరిస్తోన్న ఈ సినిమా మొదటి షెడ్యూల్ ఇంతకుముందే పూర్తయింది. రెండవ షెడ్యూల్ షూటింగ్ ఈ పాటికే మొదలుకావలసి వుంది. అయితే సినిమాటోగ్రఫర్ రత్నవేలు .. 'రంగస్థలం' సినిమాకు సంబంధించిన కొన్ని సన్నివేశాల రీ-షూట్ లో బిజీగా ఉండటంతో, 'సైరా' షెడ్యూల్ ఆలస్యమైంది.

ఈ క్రమంలో మార్చి 5వ తేదీ నుంచి రెండవ షెడ్యూల్ మొదలు కానుందనేది తాజా సమాచారం. చిరంజీవి .. నయనతార .. అమితాబ్ తదితరులపై కొన్ని కీలకమైన సన్నివేశాలను హైదరాబాద్ లో చిత్రీకరించనున్నారు. ఈ సినిమాకి సంగీత దర్శకుడిగా ఇళయరాజా వ్యవహరించే ఛాన్స్ ఉందని అంటున్నారు. జగపతిబాబు .. విజయ్ సేతుపతి .. సుదీప్ కూడా ఈ సినిమాలో ముఖ్యమైన పాత్రలను పోషిస్తున్నారు.